Samtök fyrirtækja í sjávarútvegi (SFS) hefur ákveðið að bjóða Hafrannsóknastofnun jafnvirði 65 milljóna króna til loðnuleitar og -mælinga í desember og er styrknum ætlað að greiða að fullu fyrir úthald fjögurra mæliskipa í allt að 24 daga, kvörðun þeirra og vinnu sérfræðinga Hafrannsóknastofnunar. Þetta kemur fram í fréttatilkynningu frá SFS.

Í tilkynningunni segir að hætta sé á því að  mælingar verði „ónógar til þess að unnt sé að ráðleggja veiðar á loðnu“ í leiðangri Hafrannsóknastofnunar í janúar 2021, þar sem „tímabil vetrarmælinga er jafnan stutt og á tíma þegar veður eru válynd.“ Þá segir jafnframt þekkt að loðnan fari hratt yfir og að hegðun hennar sé óútreiknanleg. „Vera kann að hún sé fyrr á ferðinni nú en síðastliðin tvö ár.“

Frétt af mbl.is

„Mælingin er ekki marktæk“

30 milljarðar í húfi

Benda samtökin á að mælingar á loðnustofninum hafa gengið brösuglega á síðustu tveimur árum og að það hafi gert það að verkum að engi loðnuvertíð varð tvö ári í röð, sem hefur ekki gerst frá því að loðnuveiðar hófust við Ísland.

Minnir SFS á leiðangurinn sem farinn var í nóvember hafi skilað sýnum sem gefa til „vísbendingar um góðar göngur kynþroska loðnu í lögsögunni.“ Sá leiðangur var farinn að frumkvæði SFS en í samstarfi við Hafrannsóknastofnun.

Frétt af mbl.is

Loðnan sögð ganga upp að landinu í verulegu magni

„Góð loðnuvertíð getur að líkindum aukið útflutningstekjur um 30 milljarða króna og margföldunaráhrif í hagkerfinu öllu eru að líkindum tvöföld eða þreföld, líkt og með auknum tekjum starfsmanna sjávarútvegsfyrirtækja, sveitarfélaga og þjónustuaðila sjávarútvegs,“ segir í tilkynningunni.

Tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt