Norsk stjórnvöld gera ráð fyrir að þurfa að loka hafsvæðum sínum fyrir fiskveiðiskipum frá Bretlandi og Evrópusambandinu (ESB) ef ekki verður gengið frá samkomulagi um nýtingu deilistofna fyrir áramót, að því er fram kemur í umfjöllun E24.

„Ef við verðum ekki með samninga fyrsta janúar munum við ekki heimila skipum ESB eða Bretlands að veiða innan efnahagslögsögu okkar,“ sagði Odd Emil Ingebrigtsen, sjávarútvegsráðherra Noregs, í norska Stórþinginu á föstudag.

Breskir sjómenn gætu lent í því að lögsögu Norðmanna verður lokað, lokunin yrði þó gagnkvæm. AFP

Vegna brexit mun Bretland ekki lengur eiga aðild að sameiginlegri sjávarútvegsstefnu sambandsins og því ekki heldur að þeim samningum sem ESB hefur gert um deilistofna. „Við getum heldur ekki gert ráð fyrir að norsk skip fái aðgang að svæðum þeirra áður en það liggur fyrir samningur,“ sagði Ingebrigtsen.

„Ég trúi því og vona að lausn verði fundin í málinu snemma 2021,“ hefur E24 eftir Audun Maråk, framkvæmdastjóra Fiskebåt (hagsmunasamtök norskra úthafsskipa). „Brexit-samningurinn mun koma of seint. Okkar ósk núna er að geta viðhaldið fiskveiðum eins langt og unnt er,“ segir hann.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Sigurinn í síðasta Þorskastríðinu 1976 var mikilvægur.