Fundu að fjölmörgu hjá Fiskikónginum

Fiskikóngurinn Kristján Berg.
Fiskikóngurinn Kristján Berg. mbl.is/Golli

Heilbrigðiseftirlit Reykjavíkur gerði fjölmargar athugasemdir við merkingar á matvælum, umbúðir þeirra og almennan skort á upplýsingum eftir að hafa heimsótt Fiskikónginn í gær. Meðal annars hafði upplýsingum um geymsluþol reykts silungs verið breytt úr þremur mánuðum í um þrjú ár.

Krafa er hjá eftirlitinu um lágmarksupplýsingar á vörum í öryggisskyni svo að neytandinn fari ekki með vöruna heim án þess að vita neitt um hana.

Eigandi Fiskikóngsins, Kristján Berg, lýsti yfir ósætti sínu vegna vinnubragða heilbrigðiseftirlitsins á Facebook og sagðist grautfúll yfir því að teknar hafi verið úr sölu nokkrar tegundir af fiski sem unnar eru eftir aldagömlum hefðum.  

Ýmislegt í ólagi 

Samkvæmt upplýsingum frá heilbrigðiseftirlitinu var ýmislegt ábóvant hjá Fiskikónginum. Pakkaðar vörur voru ómerktar, innihaldslýsingar vantaði á pakkaðar vörur og lögbundnar upplýsingar á borð við geymsluþol skorti. Sem dæmi vantaði á lúðurikling allar merkingar og óljóst var hvaðan hann kom, öll gögn vantaði um hnoðmör og ekki var hægt að fá upplýsingar um hvort viðkomandi aðili sem bjó hann til væri með tilskilin leyfi. Varðandi tvær aðrar tegundir af hnoðmör var sömu sögu að segja. Á umbúðunum var ekki hægt að sjá upplýsingar um hvort hann væri ætlaður fyrir matvæli, engar innihaldsupplýsingar voru heldur fyrir hendi og engar upplýsingar um framleiðanda.

Sala stöðvuð á humarklóm

Hákarl var sömuleiðis algjörlega ómerktur og hluti af honum var óvarinn á meðan annað var vafið inn í rúllubaggaplast. Þetta myndi fallast undir ólöglegar matvælaumbúðir, samkvæmt upplýsingum heilbrigðiseftirlitsins. Allar upplýsingar vantaði um hvar lundinn hjá Fiskikónginum var reyktur og var hann ómerktur inni í frysti. Athugasemdir voru einnig gerðar við rasp og sala var stöðvuð á humarklóm, sem líklega eru erlendar sökum þess hversu stórar klærnar voru.

Allar upplýsingar vantaði um síðasta neysludag skötu sem var í lofttæmdum umbúðum. Einnig fannst frosin skata með upplýsingum um geymsluþol í tvö og hálft ár en engar upplýsingar voru um hvernig það var ákvarðað. Í skötu sem var í fiskborðinu vantaði sömuleiðis upplýsingar um hvaða hún kom og hvort þeir sem unnu hana hafi leyfi til þess. 

Þá var búið að breyta merkingum á geymsluþoli reykts silungs úr þremur mánuðum upp í um þrjú ár. 

Skatan ekki hefðbundin matvæli

Samkvæmt upplýsingum heilbrigðiseftirlitsins vinnur það eftir reglugerð nr. 856 um lítil matvælafyrirtæki og hefðbundin matvæli frá árinu 2016 sem var unnin til að setja dreifingu hefðbundinna matvæla í ákveðinn farveg. Sækja þarf um leyfi frá Matvælastofnun, til dæmis til að þurrka fisk og verka hákarl. Skatan fellur aftur á móti ekki undir hefðbundin matvæli samkvæmt þessari reglugerð og því þarf verkun hennar að uppfylla leyfi matvælalöggjafar Evrópusambandsins sem var innleidd hér á landi árið 2010.

mbl.is

Bloggað um fréttina

Afurð Dags. Meðalverð
Þorskur, óslægður 27.1.21 400,45 kr/kg
Þorskur, slægður 27.1.21 431,39 kr/kg
Ýsa, óslægð 27.1.21 478,56 kr/kg
Ýsa, slægð 27.1.21 318,37 kr/kg
Ufsi, óslægður 27.1.21 184,04 kr/kg
Ufsi, slægður 27.1.21 197,86 kr/kg
Djúpkarfi 19.1.21 125,00 kr/kg
Gullkarfi 27.1.21 286,19 kr/kg
Litli karfi 8.1.21 0,00 kr/kg
Blálanga, óslægð 26.1.21 175,00 kr/kg

Fleiri tegundir »

27.1.21 Siggi Bessa SF-097 Línutrekt
Þorskur 2.272 kg
Steinbítur 178 kg
Ýsa 173 kg
Samtals 2.623 kg
27.1.21 Sandfell SU-075 Lína
Keila 82 kg
Langa 35 kg
Steinbítur 13 kg
Hlýri 6 kg
Gullkarfi 5 kg
Samtals 141 kg
27.1.21 Elli P SU-206 Lína
Þorskur 3.032 kg
Ýsa 1.069 kg
Keila 540 kg
Langa 384 kg
Steinbítur 204 kg
Ufsi 41 kg
Skata 24 kg
Samtals 5.294 kg

Skoða allar landanir »

Afurð Dags. Meðalverð
Þorskur, óslægður 27.1.21 400,45 kr/kg
Þorskur, slægður 27.1.21 431,39 kr/kg
Ýsa, óslægð 27.1.21 478,56 kr/kg
Ýsa, slægð 27.1.21 318,37 kr/kg
Ufsi, óslægður 27.1.21 184,04 kr/kg
Ufsi, slægður 27.1.21 197,86 kr/kg
Djúpkarfi 19.1.21 125,00 kr/kg
Gullkarfi 27.1.21 286,19 kr/kg
Litli karfi 8.1.21 0,00 kr/kg
Blálanga, óslægð 26.1.21 175,00 kr/kg

Fleiri tegundir »

27.1.21 Siggi Bessa SF-097 Línutrekt
Þorskur 2.272 kg
Steinbítur 178 kg
Ýsa 173 kg
Samtals 2.623 kg
27.1.21 Sandfell SU-075 Lína
Keila 82 kg
Langa 35 kg
Steinbítur 13 kg
Hlýri 6 kg
Gullkarfi 5 kg
Samtals 141 kg
27.1.21 Elli P SU-206 Lína
Þorskur 3.032 kg
Ýsa 1.069 kg
Keila 540 kg
Langa 384 kg
Steinbítur 204 kg
Ufsi 41 kg
Skata 24 kg
Samtals 5.294 kg

Skoða allar landanir »