Kristján Þór Júlíusson, sjávarútvegs- og landbúnaðarráðherra, gerði á ríkisstjórnarfundi í morgun grein fyrir stöðu loðnuleitarinnar. 

Þetta kemur fram í tilkynningu frá stjórnarráðinu.

Frétt af mbl.is

Bjartsýn á loðnufund

Fimm skip leita

Bæði rannsóknaskip Hafrannsóknastofnunar ásamt þremur uppsjávarskipum héldu til mælinga á loðnustofninum í gær. Rannsóknaskipið Árni Friðriksson mun hefja mælingar út af Vestfjörðum en rannsóknarskipið Bjarni Sæmundsson mun leita og mæla á grunnslóð út af Norðurlandi er kemur fram í tilkynningunni.

Uppsjávarveiðiskipin Aðalsteinn Jónsson, Ásgrímur Halldórsson og Polar Amarok munu leita út af Austfjörðum, Norðausturlandi og djúpt út af norðanverðu landinu.

Frétt af mbl.is

Veðurgluggi til loðnuleitar fram á föstudag

„Alls eru um 20 sérfræðingar Hafrannsóknastofnunar um borð í skipunum auk sjómanna skipanna. Því eru um 75-80 manns sem koma beint að verkefninu á hafi úti,“ segir í tilkynningu sjávarútvegs- og landbúnaðarráðuneytisins.

Gerð var breyting á fjárlögum ársins 2021 fyrir þriðju umræðu þar sem fjármunum var veitt sérstaklega í Hafrannsóknir til leita á loðnu. Aukaframlagið nemur 120 milljónum króna og gerir Hafrannsóknarstofnun kleift að sinna mælingum með mörgum skipum svo að niðurstöður fáist á stuttum tíma þegar aðstæður á miðunum leyfa.

Tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt