Fiskistofa hefur nú tekið dróna til notkunar við eftirlit með nýtingu auðlinda til hafs og vatna, að því er fram kemur í tilkynningu sem birt var á vef stofnunarinnar í dag.

Þar segir að eftirlit með notkun dróna muni nú verða hluti af hefðbundnu eftirliti Fiskistofu og hafa eftirlitsmenn stofnunarinnar fengið kennslu og tilsögn í meðferð tækjanna. Liggja nú öll tilskilin leyfi fyrir.

Fram kemur að drónar verða nýttir til vöktunar í rauntíma þar sem myndefni er ekki safnað og til söfnunar myndefnis í þeim tilfellum þar sem um er að ræða grun um frávik frá lögum og reglum. Vinnsla alls myndefnis fer fram samkvæmt gildandi reglum og fyrirmælum Persónuverndar.

Tengdar fréttir

Eftirlit með veiðum

15 sviptir veiðileyfi vegna brottkasts

• Neyðarúrræði að leita til fjölmiðla
• Áskell ÞH sviptur leyfi vegna brottkasts
• Drónaeftirlit brot gegn persónuvernd
• Í 71. skipti skilaði Emilía AK ekki aflaupplýsingum

» Fleiri tengdar fréttir

• Blogga um frétt