Verð á laxi í örum vexti
Setja bókamerki
Þróun meðalverðs á laxi á markaði snérist hratt á lokadögum síðasta árs úr löngu lækkunarskeiði í öra hækkun. Samkvæmt laxvísitölu Nasdaq hækkaði meðalverð í síðustu viku um tæp 11% og stendur nú í 51,49 norskum krónum á kíló jafnvirði 776 íslenskra króna.
Þá hækkaði meðalverð um 25,6% á síðustu fjórum vikum 2020, en hækkunin var 18,6% ef litið er til síðustu tólf vikna ársins.
Ef aðeins er litið til lax í hefðbundinni sláturstærð, þrjú til sex kíló, hækkaði meðalverð í síðustu viku einnig um tæp 11%. Nam hækkun síðustu fjögurra vikna 25,71% og 17,6% síðustu tólf vikna ársins 2020. Meðalverð á laxi í sláturstærð var við lok síðustu viku 51,84 norskar krónur, jafnvirði 781 íslenskra króna.
Meðalverð sveiflaðist mikið í fyrra. Hófst það með því að verð tók að lækka mikið í byrjun árs þegar gripið var til aðgerða um heim allan til að sporna við útbreiðslu kórónuveirunnar. Hækkaði verð á ný með vorinu er takmörkunum var aflétt víða en hrundi síðan aftur er önnur bylgja faraldursins skall á.
Almennt hefur verð hækkað nokkuð í desember en verð var mun hærra síðustu viku desember 2019 en 2020.
Banna mengandi búnað sem leyfður er á Íslandi
Skar höfuðleðrið af íslenskri konu
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
Shakespeare fannst í skókassa
Kostnaður meiri en milljón á fermetra
Handteknir eftir myndatöku í Vesturbæjarlaug
„Umsátursástand“