Lágt afurðaverð áhrif á afkomu Arctic Fish
Setja bókamerki
Fiskeldisfyrirtækið Arctic Fish skilaði tapi á fjórða ársfjórðungi 2020 sem nemur 0,41 evru á hvert framleitt kíló en sláturmagn tímabilsins nam 2.988 tonnum af laxi sem þýðir að niðurstaða (EBIT) ársfjórðungsins hafi verið neikvæð um 1,2 milljónir evra jafnvirði 189 milljóna íslenskra króna.
Þetta er meðal þess sem fram kemur í tilkynningu Norwegian Royal Salmon (NRS) til norsku kauphallarinnar, en félagið fer með 50% hlut í Arctic Fish.
Þar segir að enn sé gert ráð fyrir að Arctic Fish verði skráð á Merkur-markaðinn í norsku kauphöllinni á fyrsta ársfjórðungi á þessu ári og hyggst NRS festa kaup á helming nýs hlutafé og þannig halda óbreyttu eignarhlutfalli í félaginu.
Stefnt að 24 þúsund tonnum
Fram kemur í tilkynningunni að niðurstaða síðasta ársfjórðungs í fyrra hafi verið slök sökum neikvæðrar verðþróunar á mörkuðum í ársfjórðungnum. Velta félagsins á síðasta ársfjórðungi síðasta árs nam 12 miljónum evra, andvirði tæplega 1,9 milljörðum króna, og námu skuldir við lok fjórðungsins 45 milljónum evra. Hagnaður Arctic Fish fyrirskatat og fjármagnsliði nam 4,2 milljónum evra, jafnvirði 661 milljónum króna.
Heildarframleiðsla félagsins nam 7.443 tonnum á síðasta ári en gert er ráð fyrir að framleiðslan á þessu ári muni ná 12 þúsund tonnum. Stefnt er að því að framleiðsla félagsins nái 24 þúsund tonnum árið 2025.
/frimg/1/48/52/1485260.jpg)
Ölfusárbrú opnuð aftur eftir bílslys
Segir óábyrgt að skipta út öllu bankaráðinu
Benda á Samgöngustofu sem bendir út í heim
„Hvað ef það hefði verið lokuð heiði?“
Skrítin menning í bankanum
Starfsfólk gæti fengið reikning frá Skattinum