Róbert ráðinn fjármálastjóri Ice Fish Farms AS

Róbert Benedikt Róbertsson hefur verið ráðinn fjármálastjóri Ice Fish Farms AS. Félagið er skráð í norsku kauphöllina og á og rekur Fiskeldi Austfjarða hf. 

Róbert hefur undanfarinn áratug starfað hjá Ernst & Young og frá árinu 2017 var hann verkefnastjóri fyrirtækjaráðgjafar fyrirtækisins. Þar áður starfaði Róbert á endurskoðunarsviði.

Róbert er stúdent frá Verzlunarskóla Íslands og hefur lokið BA-námi í hagfræði, meistaranámi í reikningsskilum og endurskoðun og meistaranámi í fjármálum fyrirtækja frá Háskóla Íslands. Róbert er kvæntur Diljá Mist Einarsdóttur, aðstoðarmanni utanríkisráðherra og hæstaréttarlögmanni, og eiga þau tvö börn.

• Blogga um frétt