65% meiri afli í janúar í ár

Heildarafli íslenska flotans jókst um 65% í janúar, miðað við sama mánuð árið 2020. Heildarafli í janúar 2021 var 58,9 þúsund tonn en var 35,7 þúsund tonn í janúar árið áður. 

Þetta kemur fram á vef Hagstofu Íslands í dag. 

Alls var 23 þúsund tonnum af þorski landað, 5 þúsund tonnum af ýsu og um 3 þúsund tonnum af ufsa. Töluverð aukning var á veiðum flatfisks; í janúar 2020 nam heildafli 662 tonnum en í janúar 2021 1.418 tonnum, það er 114% aukning.

Uppsjávarafli var 21 þúsund tonn, þar af tæp 20 þúsund tonn af kolmunna og rúm þúsund tonn af síld. Í janúar í fyrra var uppsjávarafli tæp 8 þúsund tonn – mestu munar um aukna veiði á kolmunna. 

Mat Hagstofu á afla á föstu verði bendir til að aflaverðmæti verði um 44% meira í janúar í ár en sam mánuð í fyrra. 

 Töflu yfir fiskiafla í janúar samkvæmt bráðabirgðartölum Hagstofunnar má sjá hér:

• Blogga um frétt