„Stór áfangi fyrir sjófarendur og sjómenn“

Áslaug Arna Sig­ur­björns­dótt­ir dóms­málaráðherra og Georg Lárus­son, for­stjóri Land­helg­is­gæsl­unn­ar, kynntu …
Áslaug Arna Sig­ur­björns­dótt­ir dóms­málaráðherra og Georg Lárus­son, for­stjóri Land­helg­is­gæsl­unn­ar, kynntu í dag áform um kaup á ný­legu varðskipi. Georg kveðst fagna ákvörðuninni. mbl.is/Eggert Jóhannesson

Ekki hefur verið ákveðið hvaða skipi ríkisstjórnin hyggst festa kaup á fyrir Landhelgisgæsluna, en sérstaklega er til skoðunar þjónustuskip úr olíuiðnaðinum.

Georg Lárusson, forstjóri Landhelgisgæslunnar, kveðst í samtali við 200 mílur hæstánægður með ákvörðun ríkisstjórnarinnar um að ganga til kaupa á nýlegu skipi sem ætlað er gegna hlutverki varðskips hjá Landhelgisgæslunni. „Þetta er mikill gleðidagur, þetta er stór viðburður,“ segir hann.

Áformin voru kynnt á blaðamannafundi um borð í varðskipinu Þór í dag.

„Okkar fyrstu viðbrögð eru fyrst og fremst þakklæti til stjórnvalda að ráðast í þessa framkvæmd. Þetta mun bæta stöðu Landhelgisgæslunnar verulega, auka björgunargetuna og getu til að styðja við almannavarnir og hinar dreifðu byggðir landsins. Ásamt því sem það er mikill og stór áfangi fyrir sjófarendur og sjómenn,“ útskýrir Georg.

Mörg til sölu

Fram kom í viðtali við Áslaugu Örnu Sigurbjörnsdóttur dómsmálaráðherra í dag að Landhelgisgæslan telji hægt að kaupa nýlegt skip fyrir 1 til 1,5 milljarða króna. Beðinn um að skýra þetta mat svarar Georg: „Þetta er allt á frumstigi, en það sem við erum fyrst og fremst að horfa til eru þjónustuskip úr olíuiðnaðinum. Það stendur þannig á þar að það hefur orðið mikill samdráttur í olíuframleiðslu og nokkuð mörg svona skip eru til sölu. Við teljum að markaðsaðstæður séu góðar núna.“

Frá blaðamannafundinum um borð í Þór í dag.
Frá blaðamannafundinum um borð í Þór í dag. mbl.is/Eggert Jóhannesson

Þá segir Georg skip af þessum toga henta vel til landhelgisgæslustarfa. „Við höfum reynsluna frá Noregi, norska strandgæslan hefur tvö svona skip í sinni þjónustu. Þetta eru skip sem hafa mikla dráttargetu og stjórnhæfni.“

Ekki er gert ráð fyrir að miklar breytingar þurfi að gera á þjónustuskipi af þessum toga til að það geti sinnt verkefnum varðskipa. „Það fer allt eftir ástandi skipsins, en við teljum að það þurfi ekki neinar teljandi breytingar. Skipin eru flest búin svipað og varðskipið Þór. Við erum að stíla inn á það þetta verði sem allra minnst, en auðvitað verður farið í eðlilegt viðhald, málun og svo framvegis,“ fullyrðir Georg.

Tekur vel í Freyju

Áslaug Arna kynnti í dag hugmynd sína að nafni á varðskipinu, Freyja, en það er undir forstjóra Landhelgisgæslunnar komið að taka ákvörðun um nafngiftina. Hefðbundið er að nöfn varðskipanna séu karlmannsnöfn úr norrænni goðafræði en loftför stofnunarinnar bera kvenmannsnöfn.

Inntur álits á hugmynd dómsmálaráðherra kveðst Georg mjög ánægður með tillöguna. „Við erum mjög hrifin af þessari hugmynd. Sér í lagi vegna þess að þetta skip kemur öðruvísi til en hin skipin okkar, sem hafa verið byggð sérstaklega fyrir okkur.“

mbl.is

Bloggað um fréttina

Afurð Dags. Meðalverð
Þorskur, óslægður 13.4.21 292,69 kr/kg
Þorskur, slægður 13.4.21 360,94 kr/kg
Ýsa, óslægð 13.4.21 436,91 kr/kg
Ýsa, slægð 13.4.21 339,33 kr/kg
Ufsi, óslægður 13.4.21 167,69 kr/kg
Ufsi, slægður 13.4.21 167,09 kr/kg
Djúpkarfi 6.4.21 30,00 kr/kg
Gullkarfi 13.4.21 199,11 kr/kg
Litli karfi 5.3.21 10,00 kr/kg
Blálanga, óslægð 17.2.21 279,00 kr/kg

Fleiri tegundir »

13.4.21 Hrefna ÍS-267 Landbeitt lína
Steinbítur 7.280 kg
Skarkoli 30 kg
Þorskur 22 kg
Samtals 7.332 kg
13.4.21 Kristinn ÞH-163 Þorskfisknet
Þorskur 2.386 kg
Samtals 2.386 kg
13.4.21 Silfurborg SU-022 Dragnót
Skarkoli 3.883 kg
Sandkoli 350 kg
Steinbítur 327 kg
Þorskur 54 kg
Steinbítur 40 kg
Samtals 4.654 kg
13.4.21 Litli Tindur SU-508 Þorskfisknet
Þorskur 799 kg
Ýsa 100 kg
Samtals 899 kg

Skoða allar landanir »

Afurð Dags. Meðalverð
Þorskur, óslægður 13.4.21 292,69 kr/kg
Þorskur, slægður 13.4.21 360,94 kr/kg
Ýsa, óslægð 13.4.21 436,91 kr/kg
Ýsa, slægð 13.4.21 339,33 kr/kg
Ufsi, óslægður 13.4.21 167,69 kr/kg
Ufsi, slægður 13.4.21 167,09 kr/kg
Djúpkarfi 6.4.21 30,00 kr/kg
Gullkarfi 13.4.21 199,11 kr/kg
Litli karfi 5.3.21 10,00 kr/kg
Blálanga, óslægð 17.2.21 279,00 kr/kg

Fleiri tegundir »

13.4.21 Hrefna ÍS-267 Landbeitt lína
Steinbítur 7.280 kg
Skarkoli 30 kg
Þorskur 22 kg
Samtals 7.332 kg
13.4.21 Kristinn ÞH-163 Þorskfisknet
Þorskur 2.386 kg
Samtals 2.386 kg
13.4.21 Silfurborg SU-022 Dragnót
Skarkoli 3.883 kg
Sandkoli 350 kg
Steinbítur 327 kg
Þorskur 54 kg
Steinbítur 40 kg
Samtals 4.654 kg
13.4.21 Litli Tindur SU-508 Þorskfisknet
Þorskur 799 kg
Ýsa 100 kg
Samtals 899 kg

Skoða allar landanir »