Valur sagður bylting fyrir Sjótækni á Tálknafirði
Setja bókamerki
Tvíbytnan Valur kom til Reykjavíkur í dag á leið sinni til Vestfjarða, en Valur er nýjasta fjárfesting Sjótækni á Tálknafirði. Fyrirtækið gerði nýverið þjónustusamning við fiskeldisfyrirtækin Arnarlax og Arctic Fish og mun báturinn koma að góðum notum að sögn Kjartans Haukssonar, framkvæmdastjóra Sjótækni. „Þetta er bylting í okkar þjónustu að geta boðið svona öflugan vinnubát sem er sérútbúinn fyrir okkur og okkar starfsemi,“ segir hann.
Að sögn Kjartans kom báturinn með skipi til Austfjarða frá Noregi en þaðan hefur honum verið siglt til Vestmannaeyja, svo til Reykjavíkur og mun svo halda áfram til Vestfjarða innan skamms. Spurður hvernig siglingin hafi gengið svarar Kjartan: „Hún hefur bara gengið vel þrátt fyrir leiðindasjólag.“
Valur er af gerðinni Catamaran NABCAT 1510 DD frá Moen Marin í Noregi og er fimmtán metra langur og tíu metra breiður. Tvíbytnan er búin öflugum vélum ásamt krönum og búnaði til að setja út og strekkja kerfisfestingar fyrir kvíar. Aðstaða fyrir áhöfnin um borð er góð og mun báturinn auðvelda alla vinnu hjá Sjótækni við fiskeldið.
Nauðgaði kærustu sinni og tók það upp
Sárt að horfa upp á illa meðferð fjármuna
Unnu að fullum heillindum að kaupum á TM
Aðkoman í gripahúsið mjög slæm
Færa slökkviliðið til nútímans
Bjarkey stendur við skammarbréf Svandísar
Ný staða uppi og óvissan meiri
Hafa „ágætis tíma“ til úrbóta