Raðgreiningu sýna sem voru tekin í súrálsskipinu Taurus Confidence við Mjóeyrarhöfn á Reyðarfirði um helgina er lokið. Allir skipverjarnir tíu sem reyndust smitaðir eru með brasilískt afbrigði kórónuveirunnar.

„Læknir og hjúkrunarfræðingur fóru um borð í súrálsskip við Mjóeyrarhöfn á Reyðarfirði í gær. Mátu þau ástand og líðan áhafnarmeðlima sem greindust með Covid við komu skipsins til Reyðarfjarðar laugardaginn 20. mars síðastliðinn. Enginn skipverja reyndist alvarlega veikur. Sjö af tíu sem greindust með Covid við komu skipsins höfðu einkenni veirunnar en þrír ekki. Í gær voru tekin frekari sýni af þeim níu sem ekki voru með Covid við komuna. Niðurstöður berast væntanlega seint í dag eða kvöld,“ segir í tilkynningu frá aðgerðastjórn lögreglunnar á Austurlandi.  

Frétt af mbl.is

Litlu munaði að verr færi

Landhelgisgæslan skoðar upplýsingagjöf

„Við komu skipsins á laugardag fór hafnsögumaður um borð sem og læknir, hjúkrunarfræðingur og lögreglumaður. Allir fylgdu þeir ýtrustu sóttvörnum í samræmi við leiðbeiningar og búnir hlífðarfatnaði. Hafnsögumaður fór í sóttkví í kjölfarið þar sem hann hefur ekki fengið bólusetningu vegna Covid-19. Aðrir er um borð fóru eru bólusettir og því ekki í sóttkví.“

Í dag munu læknir og hjúkrunarfræðingur fara aftur um borð til að meta ástand og líðan skipverja og veita aðhlynningu eftir þörfum.  

„Fréttir hafa borist af því að upplýsingar um veikindi skipverja um borð hafi ekki borist yfirvöldum í samræmi við venju og verklag. Sá þáttur er nú til skoðunar hjá Landhelgisgæslu og Samgöngustofu,“ segir í fyrrnefndri tilkynningu.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt