Hraðvaxta gullinrafi bætist á næstunni í eldisker Stolt Sea Farm á Reykjanesi. Áformað er að flytja inn nú í vor hátt í tíu þúsund seiði úr eldisstöð á Spáni og annað eins næsta haust.

Miðað er við 30 tonna framleiðslu á ári í þessu tilraunaverkefni, en ef vel gengur er líklegt að hressilega verði bætt við á næstu árum.

Fyrir er Stolt Sea Farm með eldi á senegal-flúru á Reykjanesi og hefur framleiðslan gjarnan numið um 400 tonnum á ári. Þá eru 200 styrjur þar í tilraunaeldi.

Í umfjöllun um eldi þetta í Morgunblaðinu í dag segir Sigurður Helgi Ólafsson, framkvæmdastjóri Stolt Sea Farm á Íslandi,  að víða sé áhugi á þessari fisktegund, sem fullvaxin er oft um metri að lengd. Hann sé hraðvaxta og eldið eigi að vera arðbært þar sem fiskurinn sé notaður í hágæðavöru eins og sushi og flök eða steikur, sem stundum komi í staðinn fyrir túnfisk. Fiskurinn sé hátt verðlagður á mörkuðum í Evrópu og Bandaríkjunum, þeim sömu sem fyrirtækið selur senegal-flúruna á.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir