Smábátasjómenn sækja sjóinn og veðurspá vikunnar veit á gott

Eins og jafnan á útmánuðum er líflegt við hafnir landsins, enda margir á sjó. Að undanförnu hafa komið allmargir dagar með brælu, kulda og norðanátt sem hefur hamlað sjósókn smábátasjómanna.

Spáð er betra veðri strax upp úr miðri viku svo fleiri ættu að geta sótt sjóinn. Nú er grásleppuvertíð og meðal báta þar er Nýi Víkingur NS sem leggur upp í Hafnarfirði. Verð fyrir grásleppuna hefur hins vegar aldrei verið jafn lágt sem nú og þar kemur til lokun markaða í Kína vegna kórónuveirunnar.

„Þetta lága afurðaverð veldur mönnum áhyggjum og dregur úr áhuga á að hefja veiðar,“ segir Örn Pálsson, framkvæmdastjóri Landssambands smábátaeigenda, í Morgunblaðinu í dag.

Mikil ýsugengd á miðunum allt í kringum landið hefur sömuleiðis verið mjög áberandi og skapað vanda. Sjómenn sækja mest í þorsk en nú er ýsan meðalafli í þeim mæli að aftak er.