„Svo að ég svari því hvort maður ætli að bregðast við dragnótinni sérstaklega hef ég ekki verið á þeim stað að taka hana út fyrir sem sérstakt veiðarfæri,“ sagði Kristján Þór Júlíusson, sjávarútvegs- og landbúnaðarráðherra, í svari sínu við óundirbúinni fyrirspurn Lilju Rafneyjar Magnúsdóttur, þingmanns Vinstri grænna, á Alþingi í dag. 

Nú stendur yfir svokallað hrygningarstopp víða um land sem nær til þorsks, skarkola, blálöngu og steinbíts á hrygningartíma, í þrítugasta skiptið. 

Lilja Rafney sagði aukinn ágang stærri skipa á grunnslóð sem veiða með dragnót hafa leitt til stórfelldrar veiði á þorski á grunnslóð. 

„Mig langar að spyrja hæstvirtan ráðherra hvort hann hafi hug á því að bregðast við þessum ágangi með því að takmarka sókn með dragnót á grunnslóð eins og var hér áður fyrr,“ sagði Lilja Rafney. 

Leita leiða til að tryggja 48 daga

Þá spurði Lilja Rafney Kristján Þór hvort hann hygðist leita allra leiða til að tryggja strandveiðar, sem senn fara að hefjast, í 48 daga.

„Já, við höfum verið að skoða möguleika í þeim efnum. Sömuleiðis línuívilnunina, við höfum verið að bæta í hana svona smátt og smátt. Vandi minn í þeim efnum stendur fyrst og fremst um það að við erum með 5,3% bundin í lög sem setja ráðuneytinu mörk varðandi það hvað hægt er að gera,“ svaraði Kristján Þór. 

Tengdar fréttir

Alþingi

Fullur kraftur settur í borgarlínuna

• Stjórnarflokkar þrefa enn um bæði menn og málefni
• „Ekki ástæða til þess að snúa öllu á hvolf“
• Vilja að dagskrá þingfundarins verði breytt
• Fjármálaáætlunar von í næstu viku

» Fleiri tengdar fréttir

• Blogga um frétt