Mistök við rafræna atkvæðagreiðslu SFS

Samkvæmt upplýsingum frá Samherja er samanlagt atkvæðamagn Samherja hf. á aðalfundi Sambands fyrirtækja í sjávarútvegi, nægt til að tryggja það sem samsvarar 1,6 stjórnarmanni.

Vegna mistaka við rafræna atkvæðagreiðslu á kjörfundi við aðalfund SFS í dag gekk atkvæðagreiðsla fulltrúa Samherja á fundinum ekki í gegn að því er kemur fram í yfirlýsingu frá Samherja. 

Frétt af mbl.is

Samherji ekki í stjórn SFS

Þar af leiðandi á Samherji ekki stjórnarmann að loknu stjórnarkjöri á aðalfundi. 

Samherji hefur óskað eftir því við SFS að rannsakað verði hvers vegna þessi mistök urðu og eftir atvikum eftir leiðréttingu á mistökunum. 

SFS staðfesti í samtali við 200 mílur að örðuleikar hefðu komið upp við atkvæðagreiðsluna en ekki er vitað meira um af hverju þeir stöfuðu að svo stöddu. 

Uppfært: SFS hefur kannað hvort að eitthvað hafi farið úrskeiðis í atkvæðagreiðslukerfi sínu og segir ekki svo vera. Hafi hnökrar verið á atkvæðagreiðslunni hafi þeir ekki snúið að tæknilegri framkvæmd að sögn upplýsingafulltrúar SFS.

• Blogga um frétt