Varðskipið Týr var tekið upp í Slippinn í Reykjavík á ný í vikunni. Þar var skiptiskrúfuvél sett um borð og skrúfan sett aftur á skipið.

Um bráðabirgðaviðgerð er að ræða en vitað er um marga aðra veikleika í skipinu sem komnir eru á tíma, að sögn Ásgeirs Erlendssonar upplýsingafulltrúa Landhelgisgæslunnar. Ásgeir segir að ef prófanir gangi vel sé gert ráð fyrir að Týr haldi til eftirlits við landið í næstu viku.

Týr var tekinn upp í slipp í janúar sl. til viðhalds og viðgerða. Í ljós kom að staðan var alvarlegri en í fyrstu var talið. Í ljós kom m.a. að ekki verður unnt að nota aðra aðalvél skipsins.

Tekin var ákvörðun um að skipið verði lagað til bráðabirgða svo það geti að einhverju leyti gagnast í sumar meðan beðið er eftir varðskipinu Freyju. Þá er einnig ljóst að skipið verður ekki notað yfir vetrarmánuðina. sisi@mbl.is

Tengdar fréttir

Landhelgisgæslan

Annasamt hjá áhöfnum Landhelgisgæslunnar

• Eina tilboðið í slipptöku Freyju ógilt
• Bráðvantar bryta á Freyju
• Áhöfn Freyju boðið í skötu í Guðmundarbúð
• Varðskipið nötraði

» Fleiri tengdar fréttir