Árni Friðriksson mælir norsk-íslensku síldina

Rannsóknaskipið Árni Friðriksson mun halda frá bryggju í Hafnarfirði á dag og mun áhöfnin taka þátt í rannsóknaleiðangrinum „Vistfræði Austurdjúps“. Meðal helstu viðfangsefna er að meta magn og útbreiðslu norsk-íslenskrar síldar og annarra uppsjávartegunda í Austurdjúpi og á Austur- og Norðausturmiðum, að því er segir í færslu á vef Hafrannsóknastofnunar.

Einnig er stefnt að því að rannsaka ástand hafsins og vistkerfisins, en í því felst meðal annars að mæla hitastig og magn átustofna.

Rannsóknasvæðið. Leiðarlínur Árna Friðrikssonar eru grænar. Kort/Hafrannsóknastofnun.

Auk Árna Friðrikssonar taka rannsóknaskip frá Noregi, Færeyjum, Danmörku og Rússlandi þátt í leiðangrinum sem skipulagður er af vinnuhóp á vegum Alþjóða hafrannsóknaráðsins (ICES).

Leiðangurinn, sem gert er ráð fyrir að taki um 20 daga, hefur verið farinn árlega síðan 1995 og „gefa niðurstöður hans meðal annars eina mikilvægustu tímaröð bergmálsmælinga sem notaðar eru við stofnmat og veiðiráðgjöf norsk-íslenska síldarstofnsins innan Alþjóða hafrannsóknaráðsins,“ segir í færslunni.

Síld. Ljósmynd/Hafrannsóknastofnun

• Blogga um frétt