Heiðruðu sex fyrir framlag til nýsköpunar
Setja bókamerki
Tíu ára afmæli Íslenska sjávarklasans var fagnað við hátíðlega athöfn í húsakynnum þess að Grandagarði í Reykjavík síðdegis í dag. Þá voru sex heiðurð fyrir sitt framlag til nýsköpunar og var það Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, sem afhenti viðurkenningarnar. Guðni Th. Jóhannesson, forseti Íslands, ávarpaði gesti.
Gísli Gíslason, fyrrverandi hafnarstjóri Faxaflóahafna, hlaut sérstaka viðurkenning fyrir forystu um uppbyggingu klasans við Reykjavíkurhöfn, að því er fram kemur í fréttatilkynningu. „Hús sjávarklasans hefur stuðlað að margháttuðu samstarfi ólíkra einstaklinga og fyrirtækja og orðið vagga nýsköpunar í sjávarútvegi. […] Forysta og áhugi Gísla Gíslasonar og stjórnar Faxaflóahafna skipti sköpum um þann árangur sem Hús sjávarklasans hefur náð,“ segir í tilkynningunni.
Fimm hlutu viðurkenningu fyrir starf í þágu eflingar frumkvöðla- og klasastarfsemi hérlendis.
Hlaut Ásta Dís Óladóttir, dósent við viðskiptadeild Háskóla Íslands, viðurkenningu fyrir að efla samstarf atvinnulífs og Háskóla Íslands. Eva Rún Michelsen, stofnandi Eldstæðisins, hlaut viðurkenningu fyrir að hafa komið á fót vettvangi fyrir matvælafrumkvöðla og Salóme Guðmundsdóttir, fyrrverandi framkvæmdastjóri Icelandic startups, fyrir forystu um uppbyggingu á sprotastarfsemi.
Þá hlaut Sigurður Pétursson, frumkvöðull og stofnandi fiskeldisfyrirtækisins Arctic Fish, viðurkenningu fyrir ötult frumkvöðlastarf á sviði fiskeldis og fyrir að hvetja til víðtæks samstarfs frumkvöðla og iðnaðar og Vilhjálmur Jens Árnason, verkefnisstjóri hjá Sjávarklasanum, fyrir starf sitt í þágu klasasamstarfs.
Moses Hightower og Prins Póló gefa út eyjalag
„Mér finnst Halla Hrund svona Vigdísarleg“
Segir nýtt frumvarp gefa eldisfyrirtækjum auðlindir
Fara ekki lengur fram á einangrun yfir Davíð
Íslendingar ein mest einmana þjóð heims
Átta morðmál á aðeins tólf mánuðum
Myndir: Reynir við heimsmet í Hlíðarfjalli í dag
„Þetta er pínu óvanaleg staða“