Strandveiðisjómenn eru almennt ánægðir með fyrsta mánuð vertíðarinnar, aflabrögð, gæftir og verðið fyrir fiskinn, sem hefur verið mun hærra en í fyrra.

Það sem skyggir á og er áhyggjuefni, að sögn Arnar Pálssonar, framkvæmdastjóra Landssambands smábátaeigenda, er hversu erfiðlega hefur gengið á suðursvæði frá Höfn í Borgarnes.

Þegar einn veiðidagur er eftir í maí hafa rúmlega 600 bátar fengið leyfi. Flestir eru með leyfi á A-svæði frá Arnarstapa til Súðavíkur, 239 talsins, og er afli í róðri að meðaltali 702 kíló. Á B-svæði frá Norðurfirði til Grenivíkur eru 122 bátar, meðalafli í róðri 592 kíló. Á C-svæði frá Húsavík til Djúpavogs eru 92 bátar og meðalafli á dag 589 kíló. 151 er með leyfi á D-svæði og afli í róðri að meðaltali 494 kíló. Bátar eru bundnir sínu svæði og geta ekki leitað á önnur mið.

Örn segir að að heilt yfir byrji strandveiðitíminn vel og mestu muni um gott verð fyrir handfæraþorsk á mörkuðum. Meðalverðið fyrstu 14 veiðidaga mánaðarins hafi verið 285 krónur fyrir kíló af óslægðu, en var á sama tíma í fyrra 201 króna, hækkun á milli ára sé 42%.

Tengdar fréttir

Strandveiðar

Vilja fækka veiðidögum úr 12 í 10

• Niðurnjörvuð lög um strandveiðar
• Fáar vísbendingar um bættar strandveiðar
• Strandveiðisjómenn hrekjast frá heimabyggð
• Biðja Bjarkeyju um að bjarga vertíðinni

» Fleiri tengdar fréttir