Það er ekki einungis ríkið sem mun þurfa að leggja sitt af mörkum í þágu laftslagsmarkmiðanna og er því mikilvægt að eiga samtal við atvinnugreinarnar, útskýrir Guðný Káradóttir, verkefnastjóri hjá Loftslagsráði, í samtali við 200 mílur. Ráðið stendur fyrir streymisfundi um sjávarútvegi og loftslagsvæna uppbyggingu í greininni á morgun.

„Á þessum viðburði verður varpað ljósi á losun gróðurhúsalofttegunda frá sjávarútvegi, ástæður fyrir samdrætti á síðustu árum skoðaðar og rætt hvernig auka megi metnaðinn, áskoranir og tækifæri, sem og að tengja loftslagsmetnað við framtíðarsýn greinarinnar,“ segir í lýsingu fundarins.

Frétt af mbl.is

55% minni losun frá sjávarútvegi og matvælaiðnaði

Þáttakendur í samtalinu verða Gréta María Grétarsdóttir, framkvæmdastjóri nýsköpunar, samfélagsábyrgðar og fjárfestatengsla hjá Brim, Pétur Hafsteinn Pálsson, framkvæmdastjóri Vísis, Sveinn Agnarsson, prófessor í hagfræði við viðskiptadeild HÍ og Bjarni Hjartarson, farartækjahönnuður hjá NAVIS.

Einnig taka þátt Halldór Þorgeirsson, formaður Loftslagsráðs og Hrönn Hrafnsdóttir, sérfræðingur á umhverfis- og skipulagssviði Reykjavíkurborgar. Fundarstjóri er Snjólaug Ólafsdóttir ráðgjafi í sjálfbærnimálum hjá EY.

Mynd/Loftslagsráð

Tengdar fréttir

Loftslagsvá

Áhrif hlýnunar mest í Asíu

• Frítt í strætó fyrir viðskiptavini Krónunnar
• „Þeir hafa ekki alveg verið að standa við sitt“
• Stórt svæði orðið eldi að bráð
• Thunberg: „Aðeins byrjunin“

» Fleiri tengdar fréttir

• Blogga um frétt