Færeysk yfirvöld tilkynntu í gærkvöldi hver makrílkvóti færeyskra skipa yrði í ár og nemur hann 167 þúsund tonnum. Með ákvörðuninni er orðið ljóst að strandríkin hyggjast veiða tæp 42% eða 357 þúsund tonn umfram vísindalega ráðgjöf Alþjóðahafrannsóknastofnunarinnar (ICES).

Eins og kom fram í umfjöllun 200 mílna í gær var samanlagt magn þeirra sex af sjö ríkjum sem höfðu tilkynnt um veiðar sínar þegar komið í rúm milljón tonn, en ráðgjöf ICES er að ekki verði veitt meira en 852 þúsund tonn. Það var því ljóst að farið yrði rækilega umfram ráðgjöf áður en Færeyingar tilkynntu makrílkvóta sinn.

Samanlagt hafa strandríkin tilkynnt um veiðar á 1.208 þúsund tonnum af makríl í ár.

Á meðan hlutdeild Íslendinga er áætluð 16,5% af ráðgjöf ICES sem er í takti við þróun síðustu ára, hafa Færeyingar og Norðmenn aukið kvóta sinn um 55% milli ára.

Frétt af mbl.is

140 þúsund tonn af makríl til íslenskra skipa

Tengdar fréttir

Makrílveiðar

Munu reyna til hins ýtrasta að ná samkomulagi

• Samkomulag um ráðgjöf en ekki um veiði
• Leggja til 24% samdrátt í síldarkvóta
• Vilja viðskiptaaðgerðir gegn Noregi og Færeyjum
• „Við höfum ekkert gaman af svartsýni“

» Fleiri tengdar fréttir

• Blogga um frétt