Heildarafli í maí dregst saman milli ára

Heildarafli í maí var tæplega 108 þúsund tonn, sem er 14% minna en í maí 2020. Botnfiskafli var rúmlega 46 þúsund tonn samanborið við 42 þúsund tonn í maí í fyrra. 

Af botnfisktegundum veiddist mest af þorski eða rúm 25 þúsund tonn. Uppsjávarafli í maí var mestmegnis kolmunni, 58 þúsund tonn samanborið við tæp 79 þúsund tonn í maí árið 2020. 

Á tólf mánaða tímabili, frá júní 2020 til maí 2021, var landaður afli tæplega 1,1 milljón tonna sem er 12% meira magn en var landað á sama tólf mánaða tímabili árið áður. Þar af var uppsjávarafli 574 þúsund tonn, botnfiskafli 483 þúsund tonn og flatfiskafli rúm 25 þúsund tonn. 

Afli í maí 2021 metinn á föstu verðlagi bendir til 0,3% verðmætaaukningar miðað við maí í fyrra. 

• Blogga um frétt