Kristján fylgir ráðgjöf Hafrannsóknastofnunar

Kristján Þór Júlíusson, sjávarútvegs- og landbúnaðarráðherra, hefur ákveðið að fylgja …
Kristján Þór Júlíusson, sjávarútvegs- og landbúnaðarráðherra, hefur ákveðið að fylgja ráðgjöf vegna aflamarks næsta fiskveiðiárs. mbl.is/Eggert Jóhannesson

Kristján Þór Júlíusson, sjávarútvegs- og landbúnaðarráðherra, hefur ákveðið að fylgja ráðgjöf Hafrannsóknastofnunar um hámarksafla fyrir næsta fiskveiðiár. Felur það meðal annars í sér 13% lækkun aflamarks þorsks og er gert ráð fyrir miklum samdrætti í útflutningstekjum vegna þessa.

Fram kemur í tilkynningu á vef stjórnarráðsins að reglugerð um leyfilegan heildarafla í íslenskri fiskveiðilögsögu fyrir næsta fiskveiðiár hefur verið gefin út. „Reglugerðin fylgir vísindalegri ráðgjöf Hafrannsóknastofnunar. Ráðgjöf stofnunarinnar byggir á því að nýta stofna miðað við hámarksafrakstur að teknu tilliti til vistkerfis- og varúðarnálgunar.“

Draga frá átta þúsund tonn af ýsu

Þá segir að aflamark úr ýsu verður lækkað um 8.000 tonn umfram ráðgjöf Hafrannsóknastofnunar þar sem þessum tonnum var bætt við núverandi fiskveiðiár á kostnað þess næsta, auk þess sem dreginn er frá afli sem ætlaður er erlendum ríkjum í samræmi við samninga. Heildarafli í ýsu verður því 41.229 tonn en ekki 50.429 tonn.

„Litlar breytingar eru á ráðgjöf ufsa og er heildarafli ákveðinn 77.381 tonn. Viðsnúningur virðist vera í þróun stofnstærðar íslensku sumargotssíldarinnar og hækkar því ráðgjöf Hafró um 104% og er heildarafli 72.239 tonn,“ segir í tilkynningunni.

Mun minna verður veitt af þorski.
Mun minna verður veitt af þorski. mbl.is/Hari

Kristján Þór segir í tilkynningunni að það séu vonbrigði að þurfa að grípa til skerðinga, „en ástæðan er meðal annars sú að tveir árgangur innan viðmiðunarstofnsins eru litlir. Við þær aðstæður kemur hins vegar ekki til greina að falla í þá freistni að láta skammtímasjónarmið ráða för og fara gegn hinni vísindalegu ráðgjöf með tilheyrandi óvissu um meðal annars vottanir sem hafa mikla þýðingu fyrir íslenskan sjávarútveg.“

Þó er „ástæða til bjartsýni til lengri tíma litið“ segir ráðherra sem bendir á að árgangarnir 2019 og 2020 í þorskstofninum séu yfir meðaltali. „Sú staða er merki upp þann árangur sem náðst hefur í uppbyggingu þorskstofnsins og annarra helstu nytjastofna á undanförnum árum og er bein afleiðing þess að okkur Íslendingum hefur auðnast að stunda sjálfbærar veiðar með því að byggja ákvörðun um leyfilegan heildarafla á grundvelli vísindalegrar ráðgjafar.“

Endurmat

Hafrannsóknastofnun upplýsti fyrir skömmu er tilkynnt var um ráðgjöf stofnunarinnar að stærð þorskstofnsins hefur verið ofmetinn og veiðihlutfall því vanmetið á undanförnum árum auk þess sem nýliðun hefur verið ofmetin á síðustu árum. Var því lagt til að lækka aflamarkið, en lækkunin hefði verið meiri ef ekki væri fyrir aflareglu og bendir því flest til að ekki megi búast við hækkun þarnæsta fiskveiðiár.

Fyrirtæki í sjávarútvegi gera nú ráð fyrir tekjusamdrætti og að þetta „ástand“ vari í tvö til þrjú ár. Heildartapið getur numið um 12 milljarða króna og má gera ráð fyrir að útgerðarfyrirtæki grípi til aðgerða til að mæta samdrættinum.

Fréttin hefur verið uppfærð.

mbl.is
Afurð Dags. Meðalverð
Þorskur, óslægður 17.9.21 425,77 kr/kg
Þorskur, slægður 17.9.21 468,69 kr/kg
Ýsa, óslægð 17.9.21 349,67 kr/kg
Ýsa, slægð 17.9.21 328,20 kr/kg
Ufsi, óslægður 17.9.21 181,44 kr/kg
Ufsi, slægður 17.9.21 197,86 kr/kg
Djúpkarfi 9.9.21 229,00 kr/kg
Gullkarfi 17.9.21 421,40 kr/kg
Litli karfi 14.7.21 17,00 kr/kg
Blálanga, óslægð 17.9.21 280,00 kr/kg

Fleiri tegundir »

18.9.21 Bobby 4 ÍS-364 Sjóstöng
Þorskur 126 kg
Samtals 126 kg
17.9.21 Jón Ásbjörnsson RE-777 Lína
Steinbítur 475 kg
Þorskur 286 kg
Keila 181 kg
Gullkarfi 6 kg
Samtals 948 kg
17.9.21 Indriði Kristins BA-751 Lína
Keila 181 kg
Þorskur 178 kg
Steinbítur 93 kg
Hlýri 6 kg
Samtals 458 kg
17.9.21 Egill ÍS-077 Dragnót
Þorskur 10.577 kg
Ýsa 2.149 kg
Steinbítur 50 kg
Samtals 12.776 kg

Skoða allar landanir »

Afurð Dags. Meðalverð
Þorskur, óslægður 17.9.21 425,77 kr/kg
Þorskur, slægður 17.9.21 468,69 kr/kg
Ýsa, óslægð 17.9.21 349,67 kr/kg
Ýsa, slægð 17.9.21 328,20 kr/kg
Ufsi, óslægður 17.9.21 181,44 kr/kg
Ufsi, slægður 17.9.21 197,86 kr/kg
Djúpkarfi 9.9.21 229,00 kr/kg
Gullkarfi 17.9.21 421,40 kr/kg
Litli karfi 14.7.21 17,00 kr/kg
Blálanga, óslægð 17.9.21 280,00 kr/kg

Fleiri tegundir »

18.9.21 Bobby 4 ÍS-364 Sjóstöng
Þorskur 126 kg
Samtals 126 kg
17.9.21 Jón Ásbjörnsson RE-777 Lína
Steinbítur 475 kg
Þorskur 286 kg
Keila 181 kg
Gullkarfi 6 kg
Samtals 948 kg
17.9.21 Indriði Kristins BA-751 Lína
Keila 181 kg
Þorskur 178 kg
Steinbítur 93 kg
Hlýri 6 kg
Samtals 458 kg
17.9.21 Egill ÍS-077 Dragnót
Þorskur 10.577 kg
Ýsa 2.149 kg
Steinbítur 50 kg
Samtals 12.776 kg

Skoða allar landanir »