Útflutningsverðmæti loðnuafurða á fyrstu fimm mánuðum ársins námu 16,4 milljörðum króna. Hefur verðmæti loðnuafurða á þessum hluta árs aðeins tvisvar verið meira á þessari öld; árin 2013 og 2015. 

Í ár var útflutt magn þó margfalt minna en bæði þessi ár eða 26 þúsund tonn, en árið 2013 var það 125 þúsund tonn fyrstu fimm mánuði ársins og árið 2015 var það 83 þúsund tonn á sama tíma árs.

Útflutningur á loðnuafurðum á fyrstu fimm mánuðum hvers árs frá árinu 2002. Línurit/SFS

Á árum þar sem um aflabrest var að ræða, en sala birgða átti sér stað og verð því hátt, frátöldum hefur verðmæti á hvert útflutt tonn aldrei verið meira. 

Vermæti á veitt kíló meira en nokkru sinni fyrr

Þetta kemur fram í fréttabréfi Samtaka fyrirtækja í sjávarútvegi. 

Þar segir einnig að „þrátt fyrir að talsvert af verðmætum eigi enn eftir að skila sér í útflutningstölurnar frá síðustu loðnuvertíð, þá eru útflutningsverðmætin nú þegar orðin meiri en þau hafa nokkru sinnum áður verið fyrir hvert kíló sem íslenski flotinn hefur dregið úr sjó.“

Aukin útflutningsverðmæti má rekja til hærra afurðarverðs vegna aflabrests síðustu tveggja vertíða, aukinna gæða vegna mikilla fjárfestinga í uppsjávarvinnslum hérlendis og meiri sölu á hátt borgandi markaði í Asíu. 

Loðnuvinnsla hjá Skinney-Þinganes. Ljósmynd/Hallveig Karlsdóttir

Tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt