200 mílur
| mbl
| 5.7.2021
| 19:07
| Uppfært
7.7.2021
11:54
ÚR fær fyrsta sjálfbærnimerki Landsbankans
Runólfur V. Guðmundsson, forstjóri Útgerðarfélags Reykjavíkur, og Árni Þór Þorbjörnsson, framkvæmdastjóri hjá Landsbankanum.
Ljósmynd/Landsbankinn
Útgerðarfélag Reykjavíkur hefur hlotið sjálfbærnimerki Landsbankans, fyrst fyrirtækja. Þetta kemur fram í tilkynningu frá Landsbankanum.
Félagið fær sjálfbærnimerkið vegna MSC-vottaðra fiskveiða.
Í sjálfbærnimerki Landsbankans felst að þegar fyrirtæki sækir um lán hjá bankanum getur það óskað eftir sjálfbærnimerkinu. Til þess að hljóta það þarf verkefnið sem verið er að fjármagna að falla undir skilgreind skilyrði og verkefnaflokk í sjálfbærri fjármálaumgjörð Landsbankans.
Dæmi um sjálfbær verkefni eru til að mynda orkuskipti i samgöngum, endurnýjanleg raforkuframleiðsla, sjálfbærnivottaðar fiskveiðar, vistvænar byggingar og verkefni sem stuðla að félagslegri uppbyggingu er kemur fram í tilkynningu.