Ný Oddeyri í höfn á Akureyri
Karítas Ríkharðsdóttir
Setja bókamerki
Tengdar fréttir
Endurnýjun skipaflotans
Ný Oddeyri EA-210, bolfiskskip Samherja er komin til heimahafnar á Akureyri eftir gagngerar breytingar.
Oddeyrin var keypt lítið notuð frá útgerð í Írlandi og bar áður heitið Western Chieftain. Skipið var 45 metra uppsjávarveiðiskip en var keypt með það fyrir augum að breyta því töluvert.
Skipið hefur nú verið lengt um 10 metra í Karstensen Skibsværft í Danmörku og hefðbundnu vinnsludekki og fiskilest komið fyrir. Gert er ráð fyrir að nýta skipið í bolfisksveiðar.
Skipið verður einskonar tilraunaskip Samherja í vegferð sem nú verður haldið í sem snýst um að geyma fisk lifandi um borð og landa í kvíar. Með þessu er hægt að auka afhendingaröryggi og lengja líftíma ferskra afurða.
Á stjórnborðssíðu skipsins stendur stórum stöfum Live & Fresh, eða lifandi og ferskt.
Aðferðin byggist á því að fiski er dælt um borð og tankar eru útbúnir sjódælukerfi til að tryggja súrefni svo að fiskurinn haldist á lífi.
Með kerfinu verður ýmist hægt að:
- Dæla fiski í sérútbúna tanka þar sem honum er haldið lifandi. Þá er hægt að vinna hann síðar um borð eða koma með fiskinn lifandi að landi.
- Blóðga eða slægja fisk og setja í tanka með kældum sjó, RSW-kælingu, til geymslu.
- Blóðga eða slægja fisk og setja í hefðbundin kör sem geymd eru í kældri fiskilest.
Engin útgerð á Íslandi landar lifandi fiski í dag og mun Samherji því að öllum líkindum verða fyrstur til. Aðferðin er þó þekkt í Noregi og hefur verið notuð þar í nokkur ár.
Veitt verður í hefðbundna botnvörpu en í stað þess að taka pokann inn á dekk og sturta ofan í lest verður pokinn tekinn á síðuna á aflanum dælt um borð með sogdælukerfi.
Samið hefur verið við Slippinn á Akureyri um smíðar og uppsetningu á ýmsum búnaði á vinnsludekki og mun sú vinna hefjast af fullum þunga eftir sumarfrí í Slippnum.
Tengdar fréttir
Endurnýjun skipaflotans
Skemmtiferðaskip hætt komið nærri Viðey
Skar höfuðleðrið af íslenskri konu
Shakespeare fannst í skókassa
Veiting hvalveiðileyfis ekki brot á EES-samningi
„Umsátursástand“
„Okkur miðar í rétta átt“
„Það þarf að vinna mikinn fjölda upp“
„Hvílir mikil leynd yfir þessu öllu“