Greinileg stefnubreyting hjá Fiskistofu
Karítas Ríkharðsdóttir
Setja bókamerki
„Þeir hafa hingað til sagst ætla, í kjölfar þess að hafa orðið varir við brottkast, að senda mönnum viðvaranir og gefa mönnum tækifæri á að bæta ráð sitt. En þeir hafa greinilega breytt um skoðun á því hvernig á að nota þetta,“ segir Arthur Bogason, formaður Landssambands smábátaeigenda um drónaeftirlit Fiskistofu.
Greint var frá því fyrr í dag á 200 mílum að netabátur hafði verið sviptur leyfi til veiða í atvinnuskyni vegna brottkasts sem náðist á myndavél eftirlitsdróna Fiskistofu.
Var báturinn sviptur leyfi í tvær vikur.
Landssamband smábátaeigenda hefur frá byrjun gagnrýnt notkun Fiskistofu á drónum við eftirlit og stofnunina skorta skýrar lagaheimildir til þess.
Arthur segist ekki vera talsmaður brottkasts en er ósammála aðferðafræðinni við að uppræta ósiðinn.
„Þessi aðferðafræði eins og þeir hafa stundað hana flokkast miklu frekar undir njósnastarfsemi heldur en eftirlit,“ segir Arthur.
„Við höfum farið fram á það, að ef viðhafa á eftirlit með myndavélum verði menn látnir vita, eins og þegar fólk er í eftirlitsmyndavélum eða á hraðamyndavélum í umferðinni.“
Tóku upp hanskann fyrir leikskólabörn
Veiting hvalveiðileyfis ekki brot á EES-samningi
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
Skar höfuðleðrið af íslenskri konu
Skemmtiferðaskip hætt komið nærri Viðey