Fjölmiðlamaðurinn Karl Eskil Pálsson hefur verið ráðinn til Samherja, að því er fram kemur í tilkynningu á vef fyrirtækisins. Þar segir að Karl Eskil mun sinna skrifum á heimasíðu Samherja og samfélagsmiðlum.

Jafnframt mun hann hafa á sinni könnu innri vef Samherja þar sem upplýsingum og fræðsluefni er komið til starfsfólks auk annarra verkefna á sviði upplýsingamála.

Karl Eskil starfaði í tvo áratugi á fréttastofu Rúv á Akureyri, var ritstjóri héraðsfréttablaðsins Vikudags, sjálfstæður blaðamaður og nú síðast dagskrárgerðarmaður á sjónvarpsstöðinni N4 á Akureyri. „Sjávarútvegur hefur verið helsta sérgrein hans í fjölmiðlun, einnig umfjöllun um viðskipta- og mannlíf í landinu, sérstaklega á landsbyggðinni,“ segir í tilkynningunni.

„Vegna starfa minna undanfarna áratugi þekki ég nokkuð til starfsemi og innviða Samherja, sem er án efa eitt tæknivæddasta sjávarútvegsfyrirtæki landsins og þar með í heiminum. Samherji er líklega með stærri nýsköpunarfyrirtækjum landsins. Í því sambandi nægir að nefna glæsilegan skipaflota, fullkomnar landvinnslur, skip sem getur geymt lifandi fisk í sér útbúnum tönkum og fyrirhugað landeldi í Reykjanesbæ. […] Ég er sem sagt fullur tilhlökkunar og þakklátur fyrir að hafa verið munstraður um borð. Mörg stór verkefni eru í farvatninu hjá Samherja, sem félagið vill segja frá og upplýsa með vönduðum og traustum hætti,“ er haft eftir Karli Eskil í  tilkynningunni.

Tengdar fréttir

Samherji

Mikilvægt að treysta viðskiptasamböndin

• Söfnuðu mottum og hálfri milljón
• Fengu allir sokka í tilefni mottumars
• Kaldbakur fékk yfirhalningu á Akureyri
• SKE rannsakar Samherja og Síldarvinnsluna

» Fleiri tengdar fréttir

• Blogga um frétt