Fimmtíu stærstu útgerðarfyrirtækin fengu úthlutaðan 90,6% af heildarkvóta fiskveiðiársins 2021/20222 sem hófst á miðvikudag. Fiskistofa hefur lokið úthlutun og nam heildarúthlutunin 322 þorskígildistonn (ÞÍG) sem er um 37 þúsund ÞÍG minna en við síðustu úthlutun, að því er fram kemur á vef stofnunarinnar.

Alls var aflamarki úthlutað á 424 skip í eigu 308 aðila. Mestu úthlutun fær Brim hf. eða 9,33% af heildinni en fyrirtækið var með 9,55% í fyrra, næst kemur Samherji Ísland ehf. með 7%, svo FISK Seafood ehf. með 6,22% og Þorbjörn hf. með 5,34%. Eftir skipum er það Sólberg ÓF-1 sem er í eigu Ramma sem fær mesta aflamarkið eða 10.000 ÞÍG. Guðmundur í Nesi RE-13 í eigu Útgerðarfélags Reykjavíkur fær um það bil 8.500 ÞÍG tonn sem er næst mest.

Bátum með krókaaflamark fækkar um 3 frá í fyrra og eru nú 242. Þá fjölgar skipum með aflamark um 5 í 181. Þá fá bátar undir 15 metrum og 30 brúttótonnum ríflega 45 þúsund ÞÍG og stærri bátar 376,3 þúsund ÞÍG.

Fram kemur að „úthlutun í þorski er um 202 þúsund tonn og dregst saman um 29 þúsund tonn frá fyrra ári. Úthlutun í ýsu er rúm 33 þúsund tonn og lækkar um 3 þúsund tonn milli ára. Skýrist það á 8 þúsund tonna aukaúthlutun sem var í byrjun sumars.“

Tengdar fréttir

Fiskveiðistjórnunin

Fáar vísbendingar um bættar strandveiðar

• Velgengnin byggð á góðri umgjörð
• Brimi úthlutað mestum kvóta
• Mun ekki víkja frá ráðgjöf vísindamanna
• Telja okuskipti tekin fram yfir lífríki hafsins

» Fleiri tengdar fréttir

• Blogga um frétt