Norðmenn kaupa Sea Data Center

Norska fyrirtækið Maritech hefur fest kaup á öllu hlutafé í íslenska fyrirtækinu Sea Data Center sem nú mun vera rekið undir merkjum Maritech á Íslandi, að því er fram kemur í fréttatilkynningu. Ekkert kemur fram um kaupverð.

Aðeins tvö ár eru frá því að Maritech festi kaup á rétt rúmum helmingshlut í íslenska fyrirtækinu, sem safnar markaðsgögnum og gerir greiningar fyrir sjávarútveg og fiskeldi.

Frétt af mbl.is

Kaupir helmingshlut í Sea Data Center

„Saman erum við að safna saman einstöku safni markaðsgreininga og greiningatækja,“ segir Oddvar Husby, framkvæmdastjóri gagnavísinda hjá Maritech, í tilkynningunni. „Þetta gerir viðskiptavinum okkar kleift að bera saman framboð og verðlagningu sajávarafurða á markaði og eigin gögnum.“

„Frá upphafi höfum við litið á Sea Data Center sem mjög áhugavert fyrirtæki með hæfni og innsýn sem við viljum halda áfram að vinna með,“ segir Thomas Brevik, fjármálastjóri Maritech.

Maritech hefur í um 40 ár framleitt hugbúnað fyrir sjávarútveg og fiskeldi sem safnar gögnum úr virðiskeðjunni og rýnir í þau. Þá hefur fyrirtækið stækkað mikið á síðustu árum og festi Maritech kaup á Timpex árið 2019 en það fyrirtæki framleiðir hugbúnað fyrir flutningsleiðir. Í fyrra vfesti fyrirtækið kaup á hlutanets-fyrirtækinu Lillebakk AS og EDI-Systems.

Frétt af mbl.is

Mikilvægt að hafa góða yfirsýn á óvissutímum

• Blogga um frétt