Aukið eftirlit með vöktun fiskeldis

Kristján Þór Júlíusson, sjávarútvegs- og landbúnaðarráðherra, hefur undirritað tvær breytingar á reglugerðum sem kveða á um fiskeldi, velferð lagardýra, varnir gegn sjúkdómum og heilbrigðiseftirlit með eldisstöðvum. Eiga breytingarnar m.a. að efla eftirlit með vöktun á viðkomu sníkjudýra í eldinu.

Þetta kemur fram í tilkynningu stjórnarráðsins.

Með breytingunum er:

• Kveðið sérstaklega á um að viðbragðsáætlun sem rekstrarleyfishafar sjókvíaeldisstöðva starfa eftir skuli samþykkt af Matvælastofnun
• Viðbragðsáætlunin þarf einnig að fela í sér aðgerðir fari meðaltalsfjöldi kynþroska kvenlúsa (með eða án eggjastrengja) innan viðkomandi svæða yfir ákveðin mörk (n.t.t. umfram 0.5, 1, 1.5, og 2 á hvern fisk sem er umtalsverð breyting frá fyrri reglugerð en þá voru mörkin við 3)
• Viðbragðsáætlun rekstrarleyfishafa skal virkjuð þegar meðaltalsfjöldi lúsa fer umfram 0.5 á hvern fisk og skal Matvælastofnun send tilkynning um það.
• Þegar slík tilkynning berst Matvælastofnun skal stofnunin meta hvort ráðstafanir rekstrarleyfishafa skv. viðbragðsáætlun séu að ná þeim árangri sem að sé stefnt eða hvort annarra aðgerða sé þörf.
• Rekstraraðili þarf að auki að tilkynna Matvælastofnun þegar meðaltalsfjöldi lúsa fer umfram 1, 1.5, 2 á hvern fisk og skal þá Matvælastofnun meta hvort annarra aðgerða en [tilgreindar] eru í viðbragðsáætlun sé þörf

• Blogga um frétt