1.650 í fyrsta kolmunnatúrnum

Hoffell SU-80 landaði fyrsta kolmunnanum sínum á vertíðinni í gærkvöldi er skipið kom til hafnar á Fáskrúðsfirði með 1.650 tonn. Ekki þurfti að sækja kolmunnann langt og fékkst hann aðeins 70 sjómílum frá Fáskrúðsfirði. Fiskurinn þykir fallegur og fer hann allur í bræðslu.

Í færslu á vef Loðnuvinnslunnar, sem gerir Hoffellið út, segir Sigurður Bjarnason skipstjóri að alls hafi túrinn verið fjórir sólarhringar höfn í höfn og að veður hafi verið gott til veiða þó borið hafi á kalda eina nótt.

Áhöfnin á Hoffelli heldur aftur til veiða síðdegis í dag.

Kolmunnaveiðar hafa farið vel af stað og kom Bjarni Ólafsson AK með 1.800 tonn til Neskaupstaðar á sunnudag.

Frétt af mbl.is

Stærsta holið 480 tonn

• Blogga um frétt