Matvælastofnun (MAST) hefur unnið tillögu að rekstrarleyfi fyrir Landeldi ehf. vegna fiskeldis að Laxabraut 21, 23 og 25 í Þorlákshöfn. Um er að ræða rekstrarleyfi fyrir 3.450 tonna hámarkslífmassa vegna seiða -og matfiskeldis á laxi, bleikju og urriða, að því er fram kemur á vef MAST.

Fram kemur í matsskýrslu fyrirtækisins að allur fiskur verður í kerjum og að heildarframleiðsla stöðvarinnar á ári þegar fullum afköstum er náð mun vera 5.000 tonn. Þá verður fyrst um sinn lögð áhersla á lax eldi og bleikju.

Þá er fyrirhugað að sækja vatn úr eigin borholum innan framkvæmdalóða og að frárennsli verði leitt til sjávar en að allt vatn úr eldinu verður hreinað áður en það fer í sjó. „Eldisvatni verður veitt í gegnum síunarferli við endurnýtingu þess þar sem hluti seyrunnar frá eldinu, er inniheldur saur fisksins ásamt fóðurleyfum, verður skilin frá vökvanum og leiddur í tank til niðurbrots.“

Unnið hefur verið um langt skeið við að koma landeldisstöðinni á laggirnar.

Frétt af mbl.is

Vilja verða sterkur hluti af bæjarfélaginu

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt