Úrskurðarnefnd umhverfis- og auðlindamála hefur úrskurðað að Íslenski náttúruverndarsjóðurinn (e. Icelandic Wildlife Fund), Náttúruverndarsamtök Íslands og náttúruverndarfélagið Laxinn lifi hafi ekki grundvöll til að flokkast sem aðili máls samkvæmt skilgreiningu laga í tengslum við breytt rekstrarleyfi Fiskeldis Austfjarða hf. vegna sjókvíaeldis í Berufirði og Fáskrúðsfirði. Vísaði nefndin kærum þeirra því frá.

Kærðu samtökin annars vegar ákvörðun Matvælastofnunar frá 5. maí 2021 um að heimila Fiskeldi Austfjarða hf. aukinn hámarkslífmassa frjós lax í sjókvíaeldi fyrirtækisins í Berufirði og hins vegar ákvörðun sama efnis vegna eldis í Fáskrúðsfirði. Kröfðust samtökin ógildingar ákvarðananna.

Hefði átt að meta meðferðartíma

Í síðasta mánuði felldi úrskurðarnefndin úr gildi ákvörðun Matvælastofnunar um að hafna endurnýjun á rekstrarleyfi Arctic Sea Farm hf. vegna sjókvíaeldis á regnbogasilungi og bleikju í Önundarfirði. Í úrskurði segir að stofnunin hafi ekki lagt mat á hvort hægt yrði að vinna úr umsókn fyrirtækisins, en hún barst eftir að tímamörk runnu út.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir