Annir fram undan í olíuflutningum

Olíuflutningaskipið Keilir, skip Olíudreifingar, verður væntanlega tíður gestur næstu vikur á höfnum þar sem eru fiskimjölsverksmiðjur. Hörður Gunnarsson framkvæmdastjóri Olíudreifingar segir að starfsmenn fyrirtækisins búi sig undir aukna eftirspurn eftir eldsneyti á stórri loðnuvertíð samhliða skerðingu á rafmagni til fiskimjölsverksmiðjanna. Keilir eigi að ráða við þau verkefni sem fram undan eru, nema umfangið verði enn meira en nú sé miðað við.

Olíufélög sem Olíudreifing þjónar eru meðal annars með viðskipti við útgerðir í Vestmannaeyjum, Höfn, Neskaupstað, Seyðisfirði, Vopnafirði og Þórshöfn. Keilir muni flytja eldsneyti á þessa staði, að Neskaupstað undanskildum, en þar dælir millilandaskip á vegum Olíudreifingar olíu beint í tanka.

Frétt af mbl.is

20 milljónir lítra af olíu vegna raforkuskerðingar

Frétt af mbl.is

Sparar slit á þjóðvegum landsins