Skorar á Svandísi að taka upp mál sín að nýju
Setja bókamerki
Tengdar fréttir
Fiskveiðistjórnunin
Jón Bjarnason, fyrrverandi sjávarútvegs- og landbúnaðarráðherra, kveðst í aðsendri grein í Morgunblaðinu í dag binda vonir við að Svandís Svavarsdóttir, sjávarútvegs- og landbúnaðarráðherra, taki upp þau mál sem unnið var að þegar Jón gegndi því, svo sem breytingar á fiskveiðistjórnunarkerfinu.
Um leið og Jón óskar Svandísi til hamingju með ráðherraembættið skrifar hann: „Óskandi er að haldið verði einnig áfram þar sem frá var horfið í minni tíð með breytingar á fiskveiðistjórnunarkerfinu, verndun grunnslóða, eflingu strandveiðiflotans, aukinn rétt sjávarbyggðanna og strandveiðar. Heildstætt frumvarp mitt þess efnis, sem lagt var fram í ríkisstjórn í nóvember 2011, finnst örugglega í ráðuneytinu.“
„Kannski verða líka teknar upp tillögur okkar Atla Gíslasonar um að hefta og setja skorður við samþjöppun aflaheimilda og skera á hin margföldu krosseignatengsl í sjávarútvegi og fiskvinnslu,“ skrifar hann.
Jón sat á þingi fyrir VG og var sjávarútvegs- og landbúnaðarráðherra í ríkisstjórn Jóhönnu Sigurðardóttur frá 2009 til 2011 þegar honum var vikið úr embætti. Hann hefur ávallt fullyrt að það hafi komið til vegna andstöðu hans við aðlid Íslands að Evrópusambandinu.
Skiptir miklu meira máli en fólk grunar
Tveir í bílnum sem lenti utan vegar
Æskuvinur Íslendings myrtur í Noregi
Krefjast stöðvunar framkvæmda
Sex hafa greinst með listeríu
„Það þarf að vinna mikinn fjölda upp“