Bergey VE hélt til veiða á ný um miðnætti á sunnudag, skipinu hafði verið lagt við bryggju í um viku í kjölfar þess að kórónuveirusmit greindist um borð.

Alls smituðust sex úr áhöfninni af veirunni og munu þeir sem greindust síðast ekki geta hafið störf fyrr en á sunnudag næstkomandi, að því er fram kemur í færslu á vef Síldarvinnslunnar sem er móðurfélag Bergs-Hugins sem gerir skipið út.

Fyrst reyndust þrír skipverjar smitaðir þegar voru framkvæmd hraðpróf um borð. Þegar komið var til hafnar var í gegnum PCR-próf komist að því að fimm sýktust en á endanum voru það sex sem höfðu smitast.

Frétt af mbl.is

Áhöfnin í sóttkví og skipið sótthreinsað

Bergey hélt strax á miðin austur fyrir land og er stefnt að því að landa í Neskaupstað á fimmtudag. Í færslunni segir Arnar Richardsson, rekstrarstjóri Bergs-Hugins, að mannskapurinn sé ánægður með að þessu veirustoppi sé lokið. „Nú vona menn bara að það fiskist vel og þá verður allt í himnalagi á ný.“

Frétt af mbl.is

Smit í togaranum Bergey VE

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt