Landhelgisgæslan stöðvaði í dag erlent flutningaskip á leið sinni til Íslands vegna grun um að mengun stafaði frá skipinu. Tilkynningin barst frá EMSA, Siglingaöryggisstofnun Evrópu, en gervitunglamyndir úr 700 kílómetra hæð vöktu athygli stofnunarinnar.

Viðvörunin var metin þess eðlist að mikilvægt þótti að ganga úr skugga um að skipið væri ekki enn að menga þegar það kæmi nálægt landi með þeim afleiðingum að olíumengaður sjór bærist í fjörur. 

Frétt af mbl.is

Varðskipið Týr lauk sinni síðustu ferð í dag

Bæði þyrlu- og séraðgerðasveitin á varðbátnum Óðni voru kallaðar út en áhöfn skipsins ásamt sérfræðingi á vegum Umhverfisstofnunar gengu úr skugga um að enginn olíuleki væri sjáanlegur frá skipinu.

Nánari athugun framkvæmd í höfn

Að því loknu var skipinu heimilað að halda áfram leið sinni til hafnar þar sem hafnarríkiseftirlit Samgöngustofu tók skipið til nánari skoðunar. 

Áhöfn þyrlu Landhelgisgæslunnar kom auga á olíuflekki á siglingaleið skipsins, norðan og vestamegin við Garðskaga, og tók varðbáturinn Óðinn sýni þar. Þau sýni verða send erlendis til frekari greiningar.

Olíuflekkirnir voru sjáanlegir úr lofi. Ljósmynd/Landhelgisgæslan

Ekkert nýtt að nota gervihnattamyndir

Samkvæmt tilkynningu Landhelgisgæslunnar er skoðun gervihnattamynda daglegt brauð en þá þurfi að rannsaka og greina þær. Auk þess þurfi ganga úr skugga um hvort mengunin sé vegna náttúrulegra atvika eða hvort um aðskotahluti sé að ræða. 

„Þess má geta að gervitunglamyndin sem barst í gær var tekin í um 700 kílómetra hæð og mengunarflekkurinn sem gervitunglið nam stemmdi við siglingaleið umrædds skips,“ segir í tilkynningu gæslunnar.

Tengdar fréttir

Landhelgisgæslan

Annasamt hjá áhöfnum Landhelgisgæslunnar

• Eina tilboðið í slipptöku Freyju ógilt
• Bráðvantar bryta á Freyju
• Áhöfn Freyju boðið í skötu í Guðmundarbúð
• Varðskipið nötraði

» Fleiri tengdar fréttir

• Blogga um frétt