Loðnuskip með 5.000 tonn bíða löndunar
Setja bókamerki
Tengdar fréttir
Loðnuveiðar
Röð loðnuskipa sem bíða þess að geta landað afla hefur myndast í Neskaupstað og á Seyðisfirði. Vinnsla vel að sögn verksmiðjustjóranna.
Vilhelm Þorsteinsson EA landaði 2.750 tonnum á laugardag í Neskaupstað og er þar nú verið að landa rúmlega 2.500 tonnum úr Beiti NK, en Bjarni Ólafsson AK bíður þess að löndun hefjist en skipið er með um 1.900 tonn. Verið er að landa 1.650 tonnum úr Hákoni EA á Seyðisfirði og bíða grænslensku skipin Polar Amaroq með 1.300 tonn og Polar Ammassat með 1.850 tonn.
Þetta kemur fram í færslu á vef Síldarvinnslunnar. Þar segir jafnframt að Börkur NK, Barði NK og Vilhelm Þorsteinsson EA eru einu skipin sem landa hjá Síldarvinnslunni sem eru á miðunum.
Haft er eftir Hafþóri Eiríkssyni, verksmiðjustjóra í Neskaupstað, að vinnslan gangi vel og að hráefnið sé gott. Eggert Ólafur Einarsson, verksmiðjustjóri á Seyðisfirði, segir hráefnið geti vart verið nýrra: „Þetta er svo nýtt að það liggur við að það syndi í gegnum sjóðarana.“
„Af okkur er allt ágætt að frétta nema að það er drullubræla núna,“ segir Hálfdan Hálfdanarson, skipstjóri á Berki. „Við erum komir alveg vestur undir Grímsey því talið er að veðrið gangi fyrr niður hér en austar. Það er hins vegar ekkert veður komið enn. Það hefur verið ágætis veiði síðustu dagana.“
„Það hafa fengist góð hol yfir daginn en eins og áður fæst oft heldur lítið yfir nóttina. Stærsta dagholið okkar var 920 tonn en oft eru holin yfir daginn 400-500 tonn. Við erum komnir með 2.655 tonn um borð og það er ætlunin að bæta við enda er löndunarbið bæði í Neskaupstað og á Seyðisfirði. Mönnum líst vel á vertíðina og trúa því að hún verði góð en auðvitað fer mikið eftir veðri,“ segir Hálfdan.
Tengdar fréttir
Loðnuveiðar
Aðkoman í gripahúsið mjög slæm
Segjast ekki vera á kaldri slóð
Myndskeið: Segjast hafa skotið niður sprengjuflugvél
Færa slökkviliðið til nútímans
Segjast hafa skotið niður langdræga sprengjuvél
Bjarkey stendur við skammarbréf Svandísar