Matvælastofnun barst tilkynning frá Löxum fiskeldi í gær um gat á nótarpoka einnar sjókvíar Laxa við Vattarnes í Reyðarfirði.

Gatið uppgötvaðist við reglubundið eftirlit með kvíum á stöðinni og virkjaði fyrirtækið viðbragðsáætlun sína strax og er viðgerð lokið, að því er kemur fram á vef stofnunarinnar.

Samkvæmt upplýsingum Laxa var gatið á um 7 metra dýpi og reyndist vera um það bil 50x15 sentímetrar að stærð. Í þessari tilteknu kví eru um 145.000 laxar með meðalþyngd 2,6 kg.

Laxar lögðu út net í takt við viðbragsáætlun og tilkynntu Matvælastofnun, Fiskistofu og Fjarðarbyggð strax um atburðinn og verður netjanna vitjað í dag.

Starfsmaður Matvælastofnunar var á svæðinu í gær. Hann skoðaði viðbrögð fyrirtækisins og hóf rannsókn á málinu.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

• Blogga um frétt