Norsku loðnuskipin hafa þurft að leita til Landhelgisgæslunnar um aðstoð við að komast í var vegna vonskuverðurs sem nú gengur yfir landið. Alls hafa fimtán norsk skip verið á miðunum að undanförnu.

„Mikið annríki hefur verið í stjórnstöð Landhelgisgæslunnar vegna þessa og hafa varðstjórarnir haft í nógu að snúast við að veita áhöfnum skipanna leiðsögn varðandi góða staði til að leita vars,“ segir í svari Ásgeirs Erlendssonar, upplýsingafulltrúa Landhelgisgæslunnar, við fyrirspurn 200 mílna.

Frétt af mbl.is

Spá hvelli í kvöld

Hann segir alls hafa verið fimmtán norsk skip á veiðum í efnahagslögsögunni. „Núna klukkan 14:30 er einungis eitt þeirra enn á veiðum vegna slæms veðurs. Tíu þeirra eru á leið til lands í var og hin fjögur eru komin í var.“

„Skipin hafa til að mynda haldið til Akureyrar, Þórshafnar, Eskifjarðar og fleiri staða á Norður- og Austurlandi. Mikil bræla er búin að vera á þeim slóðum sem skipin hafa verið á veiðum en þau hafa flest verið um 50 sjómílur norðaustur af Langanesi. Alls mega þrjátíu norsk loðnuveiðiskip vera á veiðum hverju sinni hér við land en veiðarnar eru byggðar á alþjóðlegum samningum,“ skrifar Ásgeir í svari sínu.

Fjöldi skipa hafa verið á miðunum vegna loðnuvertíðarinnar sem er sú stærsta í tvo áratugi. Ljósmynd/Guðmundur St. Valdimarsson

Tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt