200 mílur
| mbl
| 26.1.2022
| 9:49
Fengu hálfan íslenskan þorsk fyrir norskan
Niðurstaða tilboðsmarkaðar bendir til þess að íslenski þorskurinn er eftirsóknarverðri fyrir íslenskar útgerðir.
mbl.is/Alfons
Fiskistofa hefur tekið tveimur tilboðum í 289.164 kílóa þorskkvóta í norskri lögsögu. Í skiptum fyrir norska þorskinn fengust 164.310 kílóa þorskkvóta á Íslandsmiðum sem þýðir að rétt rúmlega hálfur íslenskur þorskur fékkst fyrri hvern norska.
Samkvæmt niðurstöðu tilboðsmarkaðar, sem birtar hafa verið á vef Fiskistofu, kemur fram að töluverður munur hefur verið á þeim tveimur hæstu boðum sem samþykkt voru.
Bauð Sólberg ÓF-1, sem Rammi hf. gerir út, 24,5 tonn í skiptum fyrir 35 tonn af norskum þorski með virðisstuðulinn 0,7. Stuðulinn var hins vegar aðeins 0,55 hjá Örfirisey RE-4, sem Brim hf. gerir út, sem bauð 139,8 tonn af íslenskum þorski í 254,1 tonn af þeim norska.
Alls voru boðin 330.439 kíló af þorski í öllum tilboðum sem bárust.
