Fjöldi norskra skipa héldu til veiða úr Austfirskum fjörðum í gær eftir að hafa beðið af sér leiðindaveður. Norsku loðnuskipin hafa verið í miklum vandræðum með að ná loðnunni þar sem hún hefur verið á nokkru dýpi en norsku skipunum er aðeins heimilt að veiða með nót á meðan Íslendingar, Færeyingar og Grænlendingar nýta flottroll.

Frétt af mbl.is

Segja norskum skipum mismunað í íslenskri lögsögu

Þegar Hoffell SU-80 kom til fjórðu löndunarinnar frá áramótum á Fáskrúðsfirði í gærmorgun var skipið með 1.650 tonn af loðnu um borð. Þá voru einnig þrjú norsk loðnuskip í firðinum og biðu tækifæri til að halda til loðnuveiða. Þar eru nú enn skipin Norderveg frá Björgvin og Rav frá Þrándheimi.

Um það leiti sem Hoffellið kom inn í Fáskrúðsfjörð mátti í Reyðarfirði og Seyðisfirði sjá fjölda norskra skipa sigla í átt að miðunum, en þau stefndu í suðaustur og er fjöldi þeirra nú út af Skrúðsgrunni við Rauðatorgið svokallaða. Ekki er vitað er hvernig gangi að ná loðnu í nót á þeim slóðum.

Íslensku skipin hafa hins vegar öll verið norðaustur af landinu á vertíðinni og eru þar enn.

Strand Senior er eitt þeirra norsku uppsjávarskipa sem lögðu leið sína á miðin austur af landinu. Ljósmynd/Strand Rederi

Tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt