Bátur sökk við Hafnarfjarðarhöfn
Setja bókamerki
Tengdar fréttir
Smábátaveiðar
Strandveiðibátur sökk við Hafnarfjarðarhöfn um þrjúleytið í dag og hefur hann nú verið dreginn upp úr sjónum.
Guðlaugur Jónasson, útgerðarmaður Hvítá HF-420, var staddur við Hafnarfjarðarhöfn í dag þegar hann frétti af því að einn báturinn þar hafði sokkið.
Hann segir erfitt að segja til um hvað hafi valdið því að svo hafi farið fyrir bátnum, það verði ljóst þegar búið er að rannsaka atvikið. Guðlaugur segist þó hræddur um að það gæti hafa sjósprungið sjórör í vélarrými bátsins, þar sem búið sé að vera ofboðslega kalt undanfarið. Það komi þó margt til greina.
„Ég er svolítið hræddur um að það hafi sjósprungið af því að það var ofboðslega kalt og svona opnir bátar með kannski vélum á miðju dekki og smáhlíf yfir.“
Að sögn Guðlaugs smíðaði Þorgrímur Hermannsson bátinn og var hann allur nýuppgerður.
Búið er að draga bátinn upp úr höfninni en Guðlaugur var viðstaddur og að hans sögn gekk vel að ná bátnum.
Tengdar fréttir
Smábátaveiðar
Veiting hvalveiðileyfis ekki brot á EES-samningi
Árshátíð ríkislögreglustjóra haldin í Tékklandi
Kostnaður meiri en milljón á fermetra
Gígbarmurinn hækkað frá því í gær
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
Banna mengandi búnað sem leyfður er á Íslandi