Samgöngustofa hefur staðið að útgáfu mánaðarlegra veggspjalda undir merkjum 12 hnúta sem hófst í janúar. Veggspjöldin eru til þess gerð að vekja athygli sjómanna á fyrirbyggjandi aðgerðum sem vonað er að þeir tileinki sér.

„Óhætt er að segja að þetta verkefni hafi fengið mjög góðar viðtökur en fjöldi aðila hefur sameinast í að vekja athygli á því,“ skrifar Einar Magnús Magnússon, sérfræðingur á öryggis- og fræðsludeild Samgöngustofu, í tölvupósti til blaðamanns.

Annað veggspjaldið í 12 spjalda röð kom út í síðasta mánuði og er yfirskrift þess „kæru- og agaleysi“. Einar segir veggspjaldið að þessu sinni fjalla um „fyrirbyggjandi aðgerðir sem sjómenn þurfa að hafa í huga til að koma í veg fyrir að kæru- og agaleysi verði vandamál með tilheyrandi slysahættu. Í þessu sambandi er meðal annars fjallað um mikilvægi þess að gætt sé hreinlætis, að viðurkenndum verklagsreglum og gátlistum sé fylgt, að öll atvik sem leiða eða leitt geta til slysa séu skráð og að menn treysti ekki á heppnina.“

Frétt af mbl.is

Hefja átak gegn slysum á sjó

Tengdar fréttir

Öryggi sjófarenda

Hafa þrjá mánuði til að bregðast við

• Siglingatækni Hefring í nýju björgunarskipin
• „Bjartsýnn á að allir leggist á eitt“
• Endurnýjun björgunarskipaflotans ekki örugg
• Samgöngustofa fái auknar sektarheimildir

» Fleiri tengdar fréttir