Fiskistofa velti kostnaði yfir á smábátasjómenn
Setja bókamerki
Tengdar fréttir
Smábátaveiðar
Landssamband smábátaeigenda (LS) leggst gegn áformum Fiskistofu um að gera óvirk þau kerfi sem hafa verið notuð fyrir skil á aflaupplýsingum og þannig velta kostnaði yfir á smábataeigendur, að því er fram kemur í færslu á vef LS. Gerir LS kröfu um gjaldfrjálsa leið til að skila aflaupplýsingum.
Fiskistofa tilkynnti í byrjun mánaðar að snjallforrit og vefviðmót sem stuðst hefur verið við verði gert óvirkt frá og með 1. apríl. Vakti stofnunin athygli á því að notendum væri frjálst að hanna eigin hugbúnað eða stofna til viðskipta við Trackwell til að skila aflaupplýsingum í samræmi við lög og reglugerðir.
Fulltrúar LS áttu fyrr í vikunni fund með fulltrúum skrifstofu sjávarútvegs í Matvælaráðuneytinu vegna málsins og „mótmælti LS þeirri fyrirætlun Fiskistofu að kostnaður vegna lögboðinna skila á upplýsingum til Hafrannsóknastofnunar og Fiskistofu sem hingað til hefur verið greiddur af hinu opinbera sé velt yfir á smábátaeigendur,“ segir í færslunni.
Skorti lagaheimild
Þá hefur LS látið vinna álitsgerð og er þar talið að Fiskistofu skorti „lagaheimild til þess að færa innheimtu eftirlitsgjalda yfir til einkaaðila. Opinberar stofnanir geta ekki ákveðið einhliða að útvista gjaldtöku og eftirliti til einkaaðila, heldur þarf til þess skýra heimild frá löggjafanum.“
Einnig vöktu fulltrúar LS athygli starfsmanna ráðuneytisins á að „markmið laga um veiðigjald væri að standa straum af kostnaði við eftirlit og stjórnsýslu fiskveiða- og vinnslu, er veiðigjaldinu þannig ætlað að standa straum af kostnaði m.a. kostnaði við hugbúnaðarþróun sem eykur skilvirkni stjórnsýslunnar.“
Tengdar fréttir
Smábátaveiðar
Krefjast stöðvunar framkvæmda
„Það þarf að vinna mikinn fjölda upp“
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi
Skiptir miklu meira máli en fólk grunar
Árshátíð ríkislögreglustjóra haldin í Tékklandi
„Á réttri leið en nokkuð í land ennþá“