Sögustund Félags kvenna í sjávarútvegi (KIS), Innviðaráðuneytisins og Sjávarklasans um sögu íslenskra sjókvenna í gær vakti töluverða athygli og var vel mætt að sögn skipuleggjenda.

„Þetta gekk rosa vel og var virkilega skemmtilegt. Ánægjulegt að sjá karla úr siglingum mæta með dætur sínar,“ segir Ásta Þorleifsdóttir, verkefnastjóri verkefnisins Konur og siglingar hjá innviðaráðuneytinu, í samtali við 200 mílur.

„Það var reyndar sorglegt að heyra að það sé ekki ein einasta kona fastráðin á togurum. En bara með því að vekja athygli og ná fram umræðu erum við að ná árangri og konum hefur fjölgað mikið í skipstjórnarnámi,“ segir Ásta sem bætir við að gaman hafi verið að sjá fleiri karlmenn sýna málefninu áhuga.

Fjölmargir vildu kynna sér sögu íslenskra sjókvenna í mathöllinni á Granda í gær. mbl.is/Kristinn Magnússon

Atburðurinn fór fram í mathöllinni á Granda í Reykjavík síðdegis í gær og var frummælandinn Margaret Willson, mannfræðingur og aðstoðarprófessor við Washington háskóla, sem hefur rannsakað sögu íslenskra sjókvenna og gefið út bók um íslenskar sjókonur.

Á viðburðinum sagði Willson meðal annars frá því að styttist í útgáfu nýrrar bókar um Þuríði formann.

Frétt af mbl.is

Halda sögustund um sögu íslenskra sjókvenna

Tengdar fréttir

Fólkið í sjávarútvegi

„Það er mjög gott að róa frá Grindavík“

• Fjölskyldufyrirtæki á Árskógssandi ruddi brautina
• „Leggjum línuna hvenær sem veður leyfir“
• Skipstjórinn á Geir lætur vel af aflabrögðunum
• Hættir eftir 32 ár við Slysavarnaskóla sjómanna

» Fleiri tengdar fréttir

• Blogga um frétt