Ánægðir með 290 milljóna króna túr

„Þessi túr gekk bara vel og veðrið var afar gott allan tímann. Það var skemmtileg tilbreyting eftir þá brælutíð sem ríkt hefur,“ segir Bjarni Ólafur, Hjálmarsson, skipstjóri á Blængi NK, í færslu á vef Síldarvinnslunnar. Skipið kom til Hafnarfjarðar í dag eftir 27 daga túr með 650 tonn, mest ufsa og karfa auk eitthvað af grálúðu.

„Verðmætin eru líklega hátt í 290 milljónir króna. Í túrnum vorum við á Vestfjarðamiðum og suðvesturmiðum og veiðin var jöfn og góð. Það var nánast samfelld vinnsla allan tímann. Gert er ráð fyrir að haldið verði til veiða á ný annað kvöld og þá verður stefnan tekin á Hampiðjutorgið. Það er grálúðan sem verður þá á dagskránni,“ segir Bjarni Ólafur.

• Blogga um frétt