Fimm fisksalar meinuðu ASÍ að skrá verð

Mikil verðmunur var milli fiskbúða og fiskborða í verðlagskönnun ASÍ.
Mikil verðmunur var milli fiskbúða og fiskborða í verðlagskönnun ASÍ. Ljósmynd/Páll Ketilsson

Verðtökufólki verðlagseftirlits ASÍ var meinað að skrá verð á fiskmeti hjá Fiskbúðinni Hafberg, Fiskbúð Fúsa, Fiskbúðinni Vegamót, Fylgifiskum Nýbýlavegi og Melabúðinni. Þetta kemur fram í tilkynningu ASÍ um framkvæmd verðlagseftirlits sambandsins.

„Að neita þátttöku í verðkönnun samræmist ekki sjálfsögðum rétti neytenda að fá skýrar og skilmerkilegar upplýsingar um verð vöru og þjónustu á sölustað. Framganga sem þessi vekur upp spurningar um af hverju fyrirtæki telji hagsmunum sínum betur borgið með því upplýsa neytendur ekki um verð,“ er fullyrt í tilkynningunni.

Töluverður munur á kílóverði

Verðlagseftirlitið var framkvæmt 4. maí síðastliðinn og var greindur töluverður munur á kílóverði milli verslana. Fram kemur að algengasti munur á kílóverði var 20 til 40%. Í þrettán tilfellum af 27 var 600 til 800 króna munur á hæsta og lægsta kílóverði og í jafn mörgum tilfellum nam verðmunurinn 900 til 1.200 krónum.

Þá var 58% verðmunur á hæsta og lægsta kílóverði af þorskflökum, 107% munur á kílóverði af rauðsprettuflökum sem var jafnframt mesti verðmunur á ferskum fiski í könnuninni, 65% munur var á kílóverði af fiskrétti með löngu og 52% munur á kílóverði af plokkfiski.  

„Litla fiskbúðin Helluhrauni var oftast með lægsta verðið í könnuninni, í 18 tilfellum. Næst oftast var Fiskbúð Sjávarfangs á Ísafirði með lægsta verðið, í 4 tilfellum. Hafið og Fiskbúð Suðurlands voru oftast  með hæsta verðið, í 10 tilfellum hvor um sig,“ segir í tilkynningu ASÍ.

Þúsund króna munur á þorskflökum

Skagafiskur Akranesi var með hæsta verðið á rauðsprettuflökum með roði, 3.490 krónur á kíló, og Litla Fiskbúðin Helluhrauni lægsta verðið, 1.690 krónur á kíló.

Þá segir að töluverður munur gat verið á algengum vörutegundum og er vísað til þess að 31% munur var á hæsta og lægsta kílóverði af ýsuflökum, roðlausum og  beinlausum þar sem lægsta verðið var hjá Litlu Fiskbúðinni á 2.290 krónur, en hæsta verð 2.990 krónur mátti finna í fimm verslunum.

Þá voru þorskflök, roðlaus og beinlaus, ódýrust hjá Litlu Fiskbúðinni á 1.890 krónur en dýrust hjá Skagafiski Akranesi og Fiskbúð Suðurlands Selfossi, 2.990 krónur. Laxaflök með roði og beinlaus voru með 32 % verðmun, ódýrust í Litlu Fiskbúðinni á 2.790 krónur kílóið og dýrust í Hafið Fiskverslun og Fisk kompaní Akureyri á 3.690 krónur.

188% munur á þurrkaðri ýsu

Fiskbúðin Mosfellsbæ seldi harðfisk úr ýsu á 15.500 krónur kílóið, sem var hæsta verðið, en Fiskbúð Suðurlands Selfossi seldi slíka afurð á 5.380 krónur og nam því verðmunurinn 188%. Þá reyndist vera 100% verðmunur á þurrkuðum Steinbít með roði. Hæsta verðið var hjá Fiskbúðinni Trönuhrauni, 17.500 krónur, en það lægsta hjá Fiskbúð Sjávarfangs Ísafirði, 8.750 krónur á kíló.

31 tegundir

Könnunin var gerð á fiski og fiskafurðum í 18 fiskbúðum og öðrum verslunum með fiskborð miðvikudaginn 4. maí 2022 og var kannað var verð á 31 algengum tegundum fiskafurða.  Tekið er fram í tilkynningu ASÍ aðeins er um beinan verðsamanburð að ræða „en ekki er lagt mat á gæði eða þjónustu söluaðila.“

Verðkönnunin náði til eftirfarandi verslana: Litlu fiskbúðinni Helluhrauni, Fiskbúðinni Trönuhrauni, Fiskikónginum, Fiskbúðinni Sundlaugarvegi, Fiskbúð Hólmgeirs, Fiskbúðinni Mos, Hafinu Fiskverslun, Fiskibúðinni Hófgerði, Skagafiski Akranesi, Fiskbúð Sjávarfangs Ísafirði, Fisk Kompaní Akureyri, Kjöt og fiskbúð Austurlands Egilstöðum, Fiskbúð Suðurlands Selfossi og Fiskbúð Reykjaness. Könnunin var einnig framkvæmd í fiskborðum Fjarðarkaups, Hagkaups og Melabúðinni.

Eins og fyrr segir var verðtökufólki meinað að skrá verð í fimm verslunum.

mbl.is
Afurð Dags. Meðalverð
Þorskur, óslægður 25.5.22 370,95 kr/kg
Þorskur, slægður 25.5.22 461,72 kr/kg
Ýsa, óslægð 24.5.22 445,29 kr/kg
Ýsa, slægð 24.5.22 410,75 kr/kg
Ufsi, óslægður 24.5.22 197,07 kr/kg
Ufsi, slægður 24.5.22 234,53 kr/kg
Djúpkarfi 12.5.22 152,00 kr/kg
Gullkarfi 24.5.22 257,53 kr/kg
Litli karfi 24.5.22 0,00 kr/kg
Blálanga, óslægð 10.4.22 48,00 kr/kg

Fleiri tegundir »

25.5.22 Gugga RE-009 Handfæri
Þorskur 775 kg
Samtals 775 kg
25.5.22 Dufan BA-122 Handfæri
Þorskur 762 kg
Samtals 762 kg
25.5.22 Toni NS-020 Landbeitt lína
Þorskur 1.412 kg
Keila 62 kg
Ýsa 56 kg
Hlýri 25 kg
Steinbítur 15 kg
Samtals 1.570 kg
25.5.22 Kristín ÞH-055 Handfæri
Þorskur 750 kg
Samtals 750 kg
25.5.22 Una BA-078 Handfæri
Þorskur 749 kg
Samtals 749 kg

Skoða allar landanir »

Afurð Dags. Meðalverð
Þorskur, óslægður 25.5.22 370,95 kr/kg
Þorskur, slægður 25.5.22 461,72 kr/kg
Ýsa, óslægð 24.5.22 445,29 kr/kg
Ýsa, slægð 24.5.22 410,75 kr/kg
Ufsi, óslægður 24.5.22 197,07 kr/kg
Ufsi, slægður 24.5.22 234,53 kr/kg
Djúpkarfi 12.5.22 152,00 kr/kg
Gullkarfi 24.5.22 257,53 kr/kg
Litli karfi 24.5.22 0,00 kr/kg
Blálanga, óslægð 10.4.22 48,00 kr/kg

Fleiri tegundir »

25.5.22 Gugga RE-009 Handfæri
Þorskur 775 kg
Samtals 775 kg
25.5.22 Dufan BA-122 Handfæri
Þorskur 762 kg
Samtals 762 kg
25.5.22 Toni NS-020 Landbeitt lína
Þorskur 1.412 kg
Keila 62 kg
Ýsa 56 kg
Hlýri 25 kg
Steinbítur 15 kg
Samtals 1.570 kg
25.5.22 Kristín ÞH-055 Handfæri
Þorskur 750 kg
Samtals 750 kg
25.5.22 Una BA-078 Handfæri
Þorskur 749 kg
Samtals 749 kg

Skoða allar landanir »